Ապրիլի 15-ին ՀՀ սփյուռքի նախարար Հրանուշ Հակոբյանը հարցազրույց տվեց իտալական RAI-2 հեռուստաընկերությանը:

 Հարցերը վերաբերում էին Հայկական սփյուռքի առաջացման պատճառներին և ներկա իրավիճակին, աշխարհասփյուռ հայության համար ցեղասպանության 100-րդ տարելիցի նշման խորհրդին ու նշանակությանը, Հայրենիք-Սփյուռք հարաբերություններին,  իտալահայ համայնքին և ապրիլի 12-ին Վատիկանում Նորին Սրբություն Հռոմի Պապ Ֆրանցիսկոս Առաջինի կողմից Սուրբ Պետրոս տաճարում Հայոց ցեղասպանության զոհերի հիշատակին մատուցված պատարագի նշանակությանը: