Արևմտահայերեն
Русский
EnglishՀՀ սփյուռքի նախարար Հրանուշ Հակոբյանն ընդունեց Հայաստանում Ամերիկայի առևտրային պալատի նախագահ Տիգրան Ջրբաշյանին
ՀՀ սփյուռքի նախարար Հրանուշ Հակոբյանն ընդունեց Հայաստանում Ամերիկայի առևտրային պալատի նախագահ Տիգրան Ջրբաշյանին:
Նախարարը բարձր գնահատեց կառույցի 14-ամյա գործունեությունը Հայաստանում և կարևորեց հանրապետությունում գործարար միջավայրի բարելավմանը նպաստող նման կազմակերպությունների համագործակցությունը միմյանց և պետական կառույցների հետ, որը էականորեն կնպաստի ներդրումների ավելացմանը:
Քննարկվեց ոլորտին առնչվող խնդիրներ, օրենսդրական դաշտի կարգավորմանը, Հայաստանի վարկը օտար և սփյուռքահայ ներդրողների շրջանում բարձրացնելու և վստահություն ներշնչելու ուղղությամբ համատեղ աշխատանքներ իրականացնելու հետ կապված հարցեր:
Տիգրան Ջրբաշյանը շնորհակալություն հայտնեց ջերմ ընդունելության համար և ներկայացրեց Հայաստանում Ամերիկայի առևտրային պալատի (AMCHAM) գործունեությունն ու իրականացվող աշխատանքները, համագործակցության հնարավոր ուղիները:
Նախարար Հրանուշ Հակոբյանը առաջարկեց առավել հանգամանալից ուսումնասիրել ներդրումային հնարավորություններն ու մջավայրը, առավել ակտիվորեն համագործակցել տարբեր երկրներում և Հայաստանում գործող հայկական առևտրային, արդյունաբերական և նմանատիպ այլ կազմակերպությունների, մասնաորապես՝ Հայկական առևտրային ցանցի (ՀԱՑ) հետ և նպաստել երկրի տնտեսության զարգացմանը, ազգային ներուժի համախմբմանը:
