ՀՀ սփիւռքի նախարար Հրանոյշ Յակոբեան ընդունեց Հայաստանի մէջ Ամերիկայի առեւտրային պալատի նախագահ Տիգրան Ջրպաշեանը:

Նախարարը բարձր գնահատեց կառոյցի 14-ամեայ գործունէութիւնը Հայաստանի մէջ եւ կարեւոր նկատեց հանրապետութեան մէջ գործարար միջավայրի բարելաւման նպաստող նման կազմակերպութիւններու համագործակցութիւնը իրարու եւ պետական կառոյցներու հետ, որ էականօրէն կը նպաստէ ներդրումներու աւելացման:

Քննարկուեցաւ ոլորտին առնչուող խնդիրներ, օրէնսդրական դաշտի կարգաւորման, Հայաստանի վարկը օտար եւ սփիւռքահայ ներդրողներու շրջանին մէջ բարձրացնելու եւ վստահութիւն ներշնչելու ուղղութեամբ համատեղ աշխատանքներ իրականացնելու հետ կապուած հարցեր:

Տիգրան Ջրպաշեան շնորհակալութիւն յայտնեց ջերմ ընդունելութեան համար եւ ներկայացուց  Հայաստանի մէջ Ամերիկայի առեւտրային պալատի (AMCHAM) գործունէութիւնն ու իրականացուող աշխատանքները, համագործակցութեան հնարաւոր ուղիները:

Նախարար Հրանոյշ Յակոբեան առաջարկեց առաւել հանգամանալից ուսումնասիրել ներդրումային հնարաւորութիւններն ու միջավայրը, առաւել աշխուժօրէն համագործակցելու տարբեր երկիրներու  եւ Հայաստանի մէջ գործող հայկական առեւտրային, արդիւնաբերական եւ նմանատիպ այլ կազմակերպութիւններու,     մասնաորապէս`     Հայկական         առեւտրային   ցանցի (ՀԱՑ) հետ եւ նպաստել երկրի
տնտեսութեան զարգացման, ազգային ներուժի համախմբման: