Նոյեմբերի 27-ին ՀՀ սփյուռքի նախարար Հրանուշ Հակոբյանն ընդունեց Սոցիալ դեմոկրատ հնչակյան կուսակցության Կենտրոնական վարչության ատենապետ Հակոբ Տիգրանյանին և Լիբանանի խորհրդարանի պատգամավոր, կուսակցության փոխատենապետ Սեպուհ Գալփաքյանին:

 Ողջունելով հյուրերին,  սփյուռքի նախարարը շնորհավորեց Հակոբ Տիգրանյանին Հայաստան մշտական բնակության տեղափոխվելու կապակցությամբ և կարևորեց Հայաստանում ՍԴՀԿ Կենտրոնական վարչությունը գրանցելու  որոշումը և համահայկական խնդիրների լուծմանը մասնակցելու կուսակցության պատրաստակամությունը:

Հյուրերը շնորհավորեցին ՀՀ սփյուռքի նախարար Հրանուշ Հակոբյանին Հայաստան-Սփյուռք համահայկական 5-րդ համաժողովը ներկայացուցչական ու արդյունավետ կազմակերպելու համար, բարձր գնահատելով նախարարի ներդրումը Սփյուռքը համախմբելու և ազգային առաջնահերթությունները հստակեցնելու գործում:

Քննարկվեցին հետագա համագործակցության հարցեր: