Երկուշաբթի, 14 ապրիլ 2014-ին, առաւօտեան, Սուրիական հանրապետութեան Մուֆթի Շէյխ Ահմէտ Պէտրըտտին Հասսուն այցելեց Լաթաքիոյ հայ առաքելական Ս. Աստուածածին եկեղեցի:

Շէյխ Հասսունի կ՛ընկերակցէին Լաթաքիոյ նահանգապտը, Պաաս կուսակցութեան Լաթաքիոյ ու ղեկավարը, իսլամ եւ քրիստոնեայ կրօնականներ, պետական ներկայացուցիչներ եւ ազգայիններ:

Մուֆթի Շէյխ Ահմէտ Պէտրըտտին Հասսուն, Ծովափի շրջանի շտապ օգնութեան գործադիր մարմնի ներկայացուցիչներէն եւ ազգայիններէն տեղեկանք ստացաւ եկեղեցւոյ տարածքին հաստատուած Քեսապէն տեղահանուածներու մասին, հետաքրքրուեցաւ անոնց դիմագրաւած դժուարութիւններուն եւ անոնց կարիքներուն շուրջ, ինչպէս նաեւ մխիթարական խօսքեր արտասանեց:

Մուֆթին շեշտը դրաւ իսլամ-քրիստոնեայ եղբայրութեան եւ յատկապէս պատմութեան ընթացքին հայ ժողովուրդի կրած տարապանքը՝ Մեծ եղեռնը: Ապա Մուֆթիի ձեռամբ Պատուոյ գիր յանձնուեցաւ Քեսապի հայ առաքելական եկեղեցւոյ հովիւ Տէր Միւռոն քահանայ Աւետիսեանին, իր ցուցաբերած դժուարին աշխատանքներուն համար:

Քեսապահայութեան անունով խօսք առաւ Տէր Միւռոն քահանայ Աւետիսեան, որ իր կարգին երախտագիտական խօսք արտասանեց Սուրիական հանրապետութեան Մուֆթի Շէյխ Ահմէտ Պէտրըտտին Հասսունին եւ իր պատուիրակութեան:

Այս մասին կը յայտնէ  PERIO NEWS-ի Facebook-եան էջը: