Սիրիայի Քեսաբ հայաբնակ ավանի բնակիչները, որոնք արդեն 2 շաբաթ է՝ տեղափոխվել են Լաթաքիա, շարունակում են բնակվել Լաթաքիայի հայկական եկեղեցու կառույցներում։

Քեսաբի համար կառավարական զորքերի և զինյալ ծայրահեղականների համար պայքարը շարունակվում է։ Քեսաբի շրջակա բարձունքները պարբերաբար այս կամ այն կողմի վերահսկողության տակ են հայտնվում։

Ավանից դուրս եկած որոշ հայ ընտանիքներ տեղափոխվել են Լիբանան, սակայն նրանց ճնշող մեծամասնությունը գտնվում է նավահանգստային Լաթաքիա քաղաքում։ Ընտանիքների մի մասն ապաստանել է հարազատների, ծանոթ-բարեկամների տներում, իսկ մյուս մասը շարունակում է բնակվել եկեղեցու տարածքում։

ՄԱԿ-ը խոստացել է հումանիտար օգնություն տրամադրել Քեսաբից տեղահանված 1.550 ընտանիքի։

Քեսաբի հայ կաթողիկե եկեղեցու հովիվ հայր Նարեկ վրդ. Լուիսյանը Facebook-ի իր էջում տեղադրել է լուսանկարներ՝ քեսաբահայերի առօրյայից։

www.tert.am