Հատկանշական է, որ 2017թ. իրանահայ գրողը ժամանակակից իրանական պոեզիային նվիրված վերոնշյալ աշխատությամբ մասնակցել էր Հայաստանի գրողների միության և Մայր Աթոռ Սուրբ Էջմիածնի հովանու ներքո անցկացվող «Կանթեղ» մրցանակաբաշխությանը՝ արժանանալով թարգմանչական գլխավոր մրցանակի:

Իր ելույթում ԻԻՀ-ում ՀՀ արտակարգ և լիազոր դեսպան Արտաշես Թումանյանը, շնորհավորելով Վարանդին և բարձր գնահատելով նրա կատարած աշխատանքը, հատուկ անդրադարձ կատարեց Հայաստան-Իրան հարաբերությունների շրջանակներում միջմշակութային կապերի ամրապնդմանը՝ ընդգծելով երկու ժողովուրդների մշակութային արժեքները միմյանց հավուր պատշաճի ներկայացնելու կարևորությունը:

Շնորհանդեսի ընթացքում հնչեցված իր ելույթում Վարանդը հանգամանորեն ներկայացրեց իր ստեղծագործությունը, խոսեց «Կանթեղ» մրցանակաբաշխության և իրանահայ համայնքի գրական-մշակութային կյանքին առնչվող մի շարք խնդիրների մասին:

Միջոցառմանը հնչեցին Վարանդի հեղինակած և մի շարք այլ ստեղծագործություններ:

Ներկաների շարքում էին Իրանի գրական-մշակութային ոլորտի գործիչներ, իրանահայ ազգային կառույցների ներկայացուցիչներ, արվեստագետներ և այլ հրավիրյալներ: