Հուլիսի 3-ին, ժամը՝ 11:00-ին, տեղի կունենա ՀՀ սփյուռքի նախարարության 2017թ. «Սփյուռք» ամառային դպրոց  ծրագրի բացման հանդիսավոր արարողությունը (հասցեն՝ Ալեք Մանուկյան 1, ԵՊՀ մեծ դահլիճ, կենտրոնական մասնաշենք, 3-րդ հարկ): Ծրագիրն իրականացվում է ԵՊՀ-ի հետ համագործակցությամբ:

Այս տարի ծրագրին կմասնակցեն 322 սփյուռքահայեր՝ աշխարհի 30 երկրից:

Բացման խոսքով հանդես կգա ՀՀ սփյուռքի նախարար Հրանուշ Հակոբյանը:

Մասնակիցներին կողջունի ԵՊՀ ռեկտոր Արամ Սիմոնյանը:

«Սփյուռք» ամառային դպրոցում կանցկացվեն դասընթացներ հինգ ուղղություններով.

1.Հայոց լեզվի արագացված ուսուցում (հուլիսի 2 – 29),

2.Հայոց լեզվի ուսուցիչների և կրթական գործի կազմակերպիչների  վերապատրաստում (հուլիսի 2 – 29), 

3.Երիտասարդ լրագրողների վերապատրաստում (հուլիսի 2 – 15),

4.Ազգային երգի խմբավարների և պարուսույցների վարպետության դասընթացներ (հուլիսի 2 – 15), 

5.Երիտասարդ առաջնորդների և համայնքային գործի կազմակերպիչների դասընթաց (հուլիսի 2 – 15):

Բոլոր դասընթացներն կանցկացվեն հայերենով:

Հանդիսավոր բացման ավարտին համերգային ծրագրով հանդես կգան ԵՊՀ Մշակույթի կենտրոնի սաները: