Արևմտահայերեն
Русский
EnglishՇուշիի ազատագրման 25-ամյակին նվիրված միջոցառում՝ Լիեժ քաղաքում
Մայիսի 27-ին Բելգիայի թագավորության Լիեժ քաղաքում տեղի է ունեցել Շուշիի ազատագրման 25-ամյակին նվիրված երեկո՝ «Դրախտի շունչը» խորագրով:
Երեկոյի բացման խոսքում «Արաքս» մշակութային կենտրոնի տնօրեն Հերմինե Ազարյանը հանդիսատեսին ներկայացրել է Արցախի, նրա ստեղծման պատմությունն ու անցած ուղին՝ մինչև մեր օրերը: Միջոցառմանը ներկա էր նաև Բելգիայի թագավորությունում ՀՀ դեսպանության խորհրդական Իրինա Բեգլարյանը:
Երեկոյի ընթացքում ներկայացվել է «Արցախ» և Գեղամ Մելիքյանի «Հերոսներ-հանճարներ» ցուցահանդեսները՝ նվիրված արցախյան հերոսամարտերին :
Այնուհետև հանդիսատեսի ուշադրությանը ֆրանսերեն լեզվով ներկայացվեց «Մեր Արցախը» կարճամետրաժ փաստագրական ֆիլմը:Երեկոյի գեղարվեստական մասը ներկայացրեցին Բելգիայում և եվրոպական մի շարք երկրներում հայտնի երաժիշտներ Նառա Նոյանն ու Վարդան Հովհաննիսյանը:
Երեկոյի վերջում Հերմինե Ազարյանը «Արաքս» մշակութային կենտրոնի անունից շնորհակալություն հայտնեց բոլոր հյուրերին և մասնակիցներին, միջոցառման աջակիցներին՝ ՀՀ սփյուռքի նախարարությանը, Բելգիայում ՀՀ դեսպանությանը, Եվրոպայի Հայ դատի գրասենյակին, երաժիշտներին և կամավորներին:
