Արևմտահայերեն
Русский
English«Հայերն այսօրի» 14 սփյուռքյան թղթակիցներ պարգևատրվել են ՀՀ սփյուռքի նախարարության Շնորհակալագրով
ՀՀ սփյուռքի նախարարության պարգևին արժանացած սփյուռքահայ լրագրողները (և ոչ միայն լրագրողները) ընտրվել են Սփյուռքի տարբեր համայնքներում ապրող մեր մի քանի տասնյակ հայրենակիցների շարքերից, ովքեր անցած 2 տարվա ընթացքում պարբերաբար և անշահախնդրորեն թղթակցել են նախարարության «Հայերն այսօր» էլեկտրոնային բազմալեզու պարբերականին՝ համայնքային անցուդարձը լուսաբանող նյութեր առաքելով հատուկ «Հայերն այսօրի» համար:
Ըստ այդմ՝ ՀՀ սփյուռքի նախարար Հրանուշ Հակոբյանի հրամանով և Սփյուռքի նախարարության 5-ամյա հոբելյանի կապակցությամբ ՀՀ սփյուռքի նախարարության Շնորհակալագրով են պարգևատրվել սփյուռքյան հետևյալ թղթակիցները.
– Արարատ Ղուկասյան, Իսպանիա, Միսլատա
– Սուսաննա Խաչատրյան, Վրաստան, Թբիլիսի
– Նեկտար Պալեան-Հարութիւնեան, Եգիպտոս, Կահիրե
– Գեորգի Սահակով, Ուզբեկստան, Տաշքենդ
– Նարինե Գոնճայեան, Սիրիա, Հալեպ
– Աննա Կարապետյան, Դանիա
– Հակոբ Վարդիվառեան, ԱՄՆ, Նյու Յորք
– Դոնարա Մկրտչյան, ՌԴ, Սանկտ Պետերբուրգ
– Պայծիկ Գալայճեան, Լիբանան
– Ամալյա Իսայան, ՌԴ , Մոսկվա
– Երանուշ Թահմազեան, Իրան, Նոր Ջուղա
– Երան Գույումճեան, Հունաստան
– Երազիկ Հարությունյան, ՌԴ, Կրասնոդար
– Նարինե Մուրադյան, Ուկրաինա, Օդեսա
«Հայերն այսօր» էլ. պարբերականի աշխատակազմը ջերմորեն շնորհավորում է Նախարարության պարգևին արժանացած մեր բոլոր թղթակիցներին՝ մաղթելով քաջառողջություն, անձնական երջանկություն՝ «Հայերն այսօրի» հետ առավել ակտիվ համագործակցության ակնկալիքով:
Խորին երախտագիտությամբ՝
«Հայերն այսօր» էլ. կայքի աշխատակազմի անունից՝ Հ. Կարապետյան
