Գլենդելի «Դավթյան և Մարիամյան» կրթական հաստատության աշակերտները հունվարի 28-ին՝ Հայոց բանակի կազմավորման 25-ամյակի առիթով, միջոցառում էին կազմակերպել:

Ինչպես «Հայերն այսօրին» տեղեկացնում է հաստատության նախագահ Վահիկ Ծատուրյանը, միջոցառումը կայացել է Գլենդելի Հայ Առաքելական Սուրբ Աստվածածին եկեղեցու բակում, որտեղ աշակերտները մեծ ոգևորությամբ հայրենասիրական երգեր են երգել ու ասմունքել, ապա Հայրենիքի համար զոհված  հայորդիների հոգիների հանգստության համար եկեղեցում մոմավառության արարողություն է տեղի ունեցել և աղոթք բարձրացվել առ Աստված:Աշակերտներին ուղեկցել են ուսուցիչներն ու ծնողները: