Ստրասբուրգի «Հայորդի» երիտասարդական միության մեկօրյա դպրոցի աշակերտները միացել են ՀՀ սփյուռքի նախարարության «Դու ի՞նչ ես անում Ղարաբաղի համար» շարժմանը: Ղեկավարն է Դավիթ Հովսեփյանը:

Ստրասբուրգում գործող «Հայորդի» երիտասարդաց միության երիտասարդները մշտապես ակտիվ նախաձեռնություններով են հանդես գալիս՝ կանգնելով նաև արցախահայության և Արցախի ու Հայաստանի սահմաններին կանգնած զինվորների կողքին:

«Հայերն այսօր»-ի փոխանցմամբ՝ երիտասարդաց միությանը կից գործող դպրոցը դեռևս մի քանի ամսվա պատմություն ունի: Այստեղ հայերենից բացի աշակերտները նաև հայրենասիրության դասեր են ստանում և հնարավորություն՝ դրանք գործնականում կիրառելու: