Հոկտեմբերի 25-ին Լիբանանում ՀՀ դեսպան Սամվել Մկրտչյանը հանդիպում ունեցավ Լիբանանի արտաքին գործերի նախարար Ջըբրան Բասիլի հետ:

Հանդիպմանը կողմերը զրույց ունեցան երկկողմ հարաբերությունների օրակարգի բազմաթիվ հարցերի և համագործակցության հետագա զարգացման ու խորացման ուղղությամբ գործադրվող ջանքերի վերաբերյալ: Այս առումով կարևորվեց լիբանանահայ համայնքի դերակատարությունը, որն ակտիվորեն ներգրավված է Լիբանանի քաղաքական, տնտեսական և մշակութային կյանքում:

Զրուցակիցները մտքեր փոխանակեցին բարձրաստիճան փոխայցելությունների կազմակերպման, ինչպես նաև միջազգային կազմակերպությունների շրջանակներում համագործակցության ակտիվացման շուրջ:

Հանգամանալից անդրադարձ կատարվեց նաև Լիբանանի ներքաղաքական վերջին զարգացումներին առնչվող մի շարք հարցերին: