2016 թ. օգոստոսի 1-5-ը ՀՀ սփյուռքի նախարարության «Իմ Հայաստան» համահայկական երրորդ փառատոնի շրջանակներում Շուշիում կանցկացվի Ասմունքի ամենամյա հինգերորդ փառատոնը, որը կազմակերպվում է «Ավան Շուշի Պլազա» հյուրանոցի, ԼՂՀ կրթության, գիտության և սպորտի նախարարության և Երևանի պետական համալսարանի հետ համատեղ:

Բացման հանդիսավոր արարողությունը տեղի կունենա օգոստոսի 2-ին՝ ժամը 19:00-ին,  «Ավան Շուշի Պլազա» հյուրանոցում:

Փառատոնին կմասնակցեն 6-18 տարեկան 113 աշակերտ 7 երկրից` Հայաստանից, Արցախից, Իրանից, Լիբանանից, Հոլանդիայից, ՌԴ-ից, Վրաստանից:

Փառատոնը կավարտվի օգոստոսի 5-ին: Ըստ տարիքային խմբերի՝ կորոշվեն առաջին, երկրորդ և երրորդ մրցանակային տեղերը զբաղեցնողները:

Փառատոնի շրջանակներում կկազմակերպվեն նաև այցելություններ Արցախի տեսար­ժան վայրեր, Զոհված ազատամարտիկների թանգարան, Սուրբ Ղազանչեցոց, Գան­ձա­սար և Կանաչ ժամ եկեղեցիներ, Տիգրանակերտ, Հունոտի կիրճ, Տաթևի վանք, Քարահունջ: Կիրականացվեն նաև երեկոյան տոնակատարություններ: