Ամստերդամի «Սուրբ Հոգի» եկեղեցու հովանավորությամբ ու ջանքերով կազմավորվում է մի նոր երգչախումբ՝ «Սայաթ Նովա» անվամբ: Այս մասին ըստ «Հայերն այսօր»-ի՝ հայտնում է «Նիդերլանդական Օրագիր»-ը:

Նոր կազմավորվող խումբը հիմնականում կատարելու է հայկական ժողովրդական և հայրենասիրական երգեր: Հիշյալ երգչախմբի խմբավարն է լինելու փորձառու երաժիշտ, Նիդերլանդներում հայտնի Արմեն Արմենակյանը (Arminak apstok), ով ելույթներ  է ունեցել տարբեր  երկրների, այդ թվում՝ Նիդերլանդների Զվոլե, Դևենթր, Դրոնթե քաղաքների բեմերում:

Բոլոր նրանք, ովքեր ունեն համապատասխան երաժշտական ընդունակություններ  և ցանկություն  մասնակցելու նորաստեղծ երգչախմբի կազմավորմանն ու ձևավորմանը, կարող են կապ հաստատել «Սուրբ Հոգի» եկեղեցու  քահանա տեր Տարոն Թադևոսյանի հետ, կամ զանգահարել ցուցապաստառում նշված հեռախոսահամարներով: