«Հայի խոսքը հարգվում է Իրանում, նույնը չեմ կարող ասել այստեղի պարսիկների մասին: Մենք պիտի մեզ շտկենք, որից հետո էլ հարաբերություններն էլ ավելի կզարգանան»,-նշեց գրողը:

Նա ընդգծեց, որ հայ գործարարները գործարաններ են կառուցել, որոնց արտադրանքը մեծ պահանջարկ ունի Իրանում:

Հանդիպմանը ներկա իրանահայ համայնքի ներկայացուցիչ, երկրաբան Արա Կարապետյանն էլ ասաց, որ տնտեսական համագործակցության առումով սայլը տեղից կարող է շարժվել որոշ քայլերից հետո, որոնցից կարևորը հարևան երկրին ավելի լավ ճանաչելն է. «Մեր օրենսդրական դաշտը պիտի համընկնի ու համահունչ լինի նրանց օրենսդրական դաշտին»:

Նաև հիշեցրեց, որ հայ համայնքը պետականորեն ամրագրված է և ունի երկու ներկայացուցիչ խորհրդարանում: