ՀՀ սփյուռքի նախարարության «Արի տուն» ծրագրի 5-րդ փուլի մասնակիցները հյուրընկալվեցին ՀՀ պաշտպանության նախարարությունում:

 Ջերմորեն ողջունելով աշխարհի տարբեր երկրներից Հայրենիք այցելած արիտունցիներին՝ Սերյան Օհանյանը կարևորեց նման հանդիպումները սփյուռքի պատանիներին ու աղջիկներին հայոց բանակի անցած ուղուն ու կերտած պատմությանը ծանոթացնելու, նրանց հայրենասիրական դաստիարակությանը մասնակցելու գործում: Պաշտպանության նախարարը բարձր գնահատեց Հայոց պետության ամրապնդման, բանակի ոգին ու կորովը բարձր պահելու, դժվարին պահերին սատար կանգնելու հարցում Սփյուռքի պատրաստակամությունը: Նա ներկայացրեց հայկական բանակին, Հայաստանի անվտանգությանը վերաբերվող բազմաթիվ արդիական խնդիրներն ու նշեց, որ Սփյուռքի բարոյական աջակցությունը կարող է մեծապես նպաստել դրանց լուծմանը: Սեյրան Օհանյանը անդրադարձավ  ներկա զարգացումներին և մասնավորապես ասաց. «Թող հայ ժողովուրդը վստահ լինի, որ հայկական բանակը իր առաջ դրված խնդիրը մեր իսկ ժողովրդի, հարազատների խաղաղությունը, անվտանգությունը ապահովել և ապահովելու է»:

 Սփյուռքի նախարար Հրանուշ Հակոբյանը շնորհակալություն հայտնեց պաշտպանության նախարար Սեյրան Օհանյանին ջերմ ընդունելության և սերտ համագործակցության համար, արդեն 7-րդ տարին «Արի տուն» ծրագրի մասնակիցների հետ հանդիպելու և Հայոց բանակի տարբեր զորամասերում նրանց հյուրընկալելու համար: Նա հավասեց, որ յուրաքանչյուր նման հանդիպման և զինվորական առօրյայի հետ առնչվելու շնորհիվ սփյուռքահայ պատանիների ու աղջիկների հոգում ավելի է զորանում հայրենասիրությունը, Հայրենիքի թիկունքն ամուր պահելու պատրաստակամությունը:

 Հարցուպատասխանից հետո արիտունցիներն այցելեցին թիվ N զորամաս և ծանոթացան բանակի առօրյային, ճաշակեցին զինվորական կերակուրները: