Ջիբրալթարի եպիսկոպոս դոկտոր Ռոբերթ Ինեսը ապրիլի 22-24-ը այցելել էր Հայաստան՝ Հայոց ցեղասպանության 100-րդ տարելիցի միջոցառումներին մասնակցելու: Diocese in Europe կայքը հրապարակել է նրա հոդվածը այցի և Ցեղասպանության ճանաչման կարևորության մասին.

 «Ապրիլի 22-ից 24-ը Հայաստանի մայրաքաղաք Երևանում հիշողության մթնոլորտ: Մի շարք բարձրորակ միջոցառումներ միջազգային ուշադրությանը հիրավիրել էին 100 տարի առաջ Օսմանյան կայսությունում տեղի ունեցած հայերի տառապանքներին: Եվրոպայից, Ասիայից, Աֆրիկայից ու Ամերիկայից բարձրաստիճան հոգևորականները միացել էին իրավաբաններին և քաղաքական առաջնորդներին՝ խոսելու, համերաշխությունն ու իրենց հարգանքն արտահայտելու:

 Ներկաների թվում էր անգլիկանյան պատվիրակությունը, որը բաղկացած էր Եվրոպայում Լոնդոնի եպիսկոպոսից՝ Քրիսթոֆեր Հիլից, և երկու եպիսկոպոսից Հարավային Սուդանից՝ Ինոք Թոմբ Սթիվենից և Փիթեր Մայոմից:

 «Ընդդեմ ցեղասպանության հանցագործության» գլոբալ ֆորումի բացման առաջին օրը նախագահ Սերժ Սարգսյանը հույս էր հայտնել, որ 100-րդ տարելիցի միջոցառումները կմարմնավորեն հիշատակումը՝ կանխարգելով նման աղետներն ու նշելով հայկական պետականության վերածնունդը:

 Ամենակարևոր իրադարձությունը տեղի ունեցավ երկրորդ օրը, երբ Մայր Աթոռ Սուրբ Էջմիածնում սրբադասեցին Հայոց ցեղասպանության անմեղ զոհերին: Նման արարողակարգով Հայաստանն ուզում էր ասել, որ այդ սպանդի ժամանակ մահացածները ոչ թե զոհեր էին, այլ հերոսներ, որոնք տանում էին իրենց քրիստոնեական հավատքը հալածանքների միջով և որոնք կարողացան ոգեշնչել հավատքն ու հայրենասիրությունը մեր օրերում:

 Երրորդ օրն անցավ զոհերի հիշատակը հավերժանող անմար կրակի մոտ: Միջոցառումը մեկնարկել էր 5 պետությունների՝ Հայաստանի, Կիպրոսի, Սերբիայի, Ֆրանսիայի և Ռուսաստանի նախագահների ելույթներով: Դրան հետևել էին պատարագն ու աստվաշնչյան ընթերցումները, ինչն ավելի շատ զարմացրեց հիմնականում արևմտյան պետությունների ղեկավարներին: