Ապրիլի 19-ին հարյուրավոր լապտերներ են լուսավորել Բեյրութի երկինքը՝ «#AgainstAllGenocides» (#ԸնդդեմԲոլոր Ցեղասպանությունների) անունը կրող իրազեկման ձեռնարկի ընթացքում: Այս մասին «Հայերն այսօրը» տեղեկանում է Լիբանանի «Ազդակ» օրաթերթից: Ձեռնարկը կազմակերպվել էր ՀՅԴ Զավարյան ուսանողական միության կողմից՝ Հայոց ցեղասպանության 100-րդ տարելիցի առիթով, սակայն միտված էր հանրությանը հիշեցնելու բոլոր ցեղասպանությունների և մարդկության դեմ կատարված ոճիրների մասին:

Ձեռնարկի ընթացքում մեծ պաստառների վրա ցուցադրվում էին Ցեղասպանությունները փաստող տեսանյութեր, ֆիլմեր և պատկերներ՝ ներկաներին իրազեկելու և երեկոյի պատգամը փոխանցելու համար:

Ձեռնարկն ավարտվեց 500 լապտերների երկինք արձակումով՝ իբրև հարգանքի տուրք բոլոր անմարդկայի ոճիրների և ցեղասպանությունների զոհերի: