Հունիսի 20-ին ՀՀ սփյուռքի նախարար Հրանուշ Հակոբյանն ընդունեց Մեծի տանն Կիլիկո կարողիկոսության միաբան, Մոնրեալի Ս. Հակոբ եկեղեցու հոգևոր տեսուչ Սուրեն արք. Քաթարոյանին:

Ողջունելով հյուրին՝ ՀՀ Սփյուռքի նախարար Հրանուշ Հակոբյանը կարևորեց Սրբազան հոր ազգանվեր գործունեությունը, հատկապես շեշտեց այն աշխատանքները, որ Սուրեն արք. Քաթարոյանը իրականացրել է Հալեպում՝ 27  տարի շարունակ լինելով Հալեպի Բերիո թեմի առաջնորդը, և այսօր էլ շարունակելով իր ծատայությունը Հայրենիքին՝ որպես Մոնրեալի Ս. Հակոբ եկեղեցու հոգևոր տեսուչ:

Հրանուշ Հակոբյանը Սուրեն արքեպիսկոպոսին ներկայացրեց Սփյուռքի նախարարության կատարած աշխատանքներն ու իրականացրած ծրագրերը, անդրադարձավ  նոր ծրագրերին, «Հայրենիք-Սփյուռք» 6-րդ համաժողովի կազմակերպական աշխատանքներին:

Սրբազան հայրը շնորհակալություն հայտնեցին ջերմ ընդունելության համար՝ հավելելով, որ իր կարողության սահմաններում փորձում է  օգտակար լինել համայնքին: