Օգոստոսի 21-ին, ժամը 18.00-ին Ծաղկաձորի  «Արի տուն»  ճամբարում տեղի կունենա ՀՀ սփյուռքի նախարարության «Արի տուն» ծրագրի 7-րդ փուլի փակման հանդիսավոր արարողությունը, որին կմասնակցեն ՀՀ ազզային ժողովի նախագահի տեղակալ  Էդուարդ Շարմազանովը, սփյուռքի նախարարի տեղակալ Սերժ Սրապիոնյանը, նախարարության աշխատակիցներ, հյուրեր:

Երիտասարդները հանդես կգան համերգային ծրագրով, որը պատրաստել են ճամբարային օրերի ընթացքում: Ծրագրի մասնակիցներին կողջունեն Աննա Խանչալյանը, Գեղարքունիքի մարզի «Ալաշկերտ» երգի-պարի համույթը:

Նշենք, որ ծրագրի յոթերորդ փուլին մասնակցում էր 107 երիտասարդ 13 երկրից՝ Բելգիայից,  Նիդերլանդներից, Իսպանիայից, Հունաստանից, ԱՄՆ-ից, Սիրիայից, Լիբանանից, Քուվեյթից, Իսրայելից, ՌԴ-ից, Ուկրաինայից,  Բելառուսից, Վրաստանից:

 Լրագրողներին տեղափոխող ավտոբուսը կշարժվի օգոստոսի 21-ին, ժ.ամը 16 45-ին ՀՀ սփյուռքի նախարարության շենքի առջևից (հասցեն՝ Վ.Սարգսյան 26/1, «Էրեբունի պլազա» բ/կ):