Օգոստոս 21-ին, ժամը 18.00-ին Ծաղկաձորի  «Արի տուն»  ճամբարին մէջ տեղի պիտի ունենայ ՀՀ սփիւռքի նախարարութեան «Արի տուն» ծրագիրի 7-րդ փուլի փակման հանդիսաւոր արարողութիւնը, որուն պիտի մասնակցին ՀՀ ազզային ժողովի նախագահի տեղակալ  Էդուարդ Շարմազանով, սփիւռքի նախարարի տեղակալ Սերժ Սրապիոնեան, նախարարութեան աշխատակիցներ, հիւրեր:

Երիտասարդները հանդէս պիտի գան համերգային ծրագիրով, որ պատրաստած են ճամբարային օրերուն ընթացքին: Ծրագիրի մասնակիցներուն պիտի ողջունեն Աննա Խանչալեան, Գեղարքունիքի մարզի «Ալաշկերտ» երգի-պարի համոյթը:

Նշենք, որ ծրագիրի եօթերորդ փուլին կը մասնակցէր 107 երիտասարդ 13 երկրէ` Պելճիգայէն,  Հոլանտայէն, Սպանիայէն, Յունաստանէն, ԱՄՆ-էն, Սուրիայէն, Լիբանանէն, Քուէյթէն, Իսրայէլէն, ՌԴ-էն, Ուքրանիայէն,  Պելառուսէն, Վրաստանէն:

Լրագրողներուն տեղափոխող հանրակառքը կը շարժի Օգոստոս 21-ին, ժամը 16 45-ին ՀՀ սփիւռքի նախարարութեան շէնքին առջեւէն (հասցէն` Վ.Սարգսեան 26/1, «Էրեբունի պլազա» բ/կ):