Ապրիլ 18-ին` ժամը 20:30-ին, Ծիծեռնակաբերդի յուշահամալիրին մօտ տեղի կ’ունենայ ՀՀ Սփիւռքի նախարարութեան եւ ՀՀ վաստակաւոր արուեստագէտ Արա Գէորգեանի համատեղ «Սեւ Ապրիլ» նախագիծի Remember երգի տեսահոլովակի հիմնական  նկարահանումը:  Երգը նուիրուած է Հայոց Ցեղասպանութեան 100-ամեայ տարելիցին:

Մինչ այս տեղի  ունեցած է համահայկական ֆլեշմոպ. սփիւռքի հայկական երգչախումբերը կատարած են երգը տարբեր երկիրներու խորհրդանշաններու առջեւ, որոնք եւս պիտի օգտագործուին տեսահոլովակին մէջ:

Կայանալիք նկարահանման ընթացքին ՀՀ ժողովրդական արուեստագէտ, Հայաստանի պետական երգչախումբի գլխաւոր խմբավար Յովհաննէս Չէքիջեանի ղեկավարութեամբ հնչող կատարման ընթացքին տեղի կ’ունենայ ֆլեշմոպ, որուն կը մասնակցի  300 ուսանող: «Սեւ Ապրիլ» նախագիծի նպատակն է երաժշտութեան միջոցով յիշեցնել մեր պահանջի մասին եւ կոչ ընել աշխարհին բացառել ցեղասպանութիւնները: