Այս մասին՝ ըստ «Ամերիկայի ձայն»-ին՝ յայտարարած է Սպիտակ տան խօսնակ Ճոշ Էրնըսթ՝ պատասխանելով ԱՄՆ նախագահ Պարաք Օպամայի` Մեծ եղեռնի յիշատակի օրուան առիթով Ապրիլ 24-ին նախապատրաստուող յայտարարութեան մէջ ցեղասպանութիւն բառի օգտագործման վերաբերեալ հարցին:

«Մենք ընդգծած ենք նաեւ, որ մենք կ՝ողբանք մահուան այդ դէպքերուն համար, եւ որ այդ փաստին լիարժէք, անկեղծ ու արդար ճանաչումը կը բխի մեր բոլորի, ներառեալ՝ Թուրքիոյ, Հայաստանի եւ Ամերիկայի շահերէն: Ազգերը աւելի հզօր են, երբ  կը զարգանան՝ ճանչնալով սեփական անցեալի վտանգաւոր դրուագները, եւ այդ իսկ ճանաչման մէջ է նոր, աւելի հանդուրժող ապագայ կառուցելու ճանապարհը»,- նշած է Սպիտակ տան մամլոյ խօսնակը: Անոր խօսքով՝ պատմական այդ փաստի ճանաչման անհրաժեշտութիւնը տարիներու ընթացքին առաջնորդած է ամերիկեան վարչակազմին մօտեցումը:

«Նախագահը աւանդաբար Ապրիլի վերջը յայտարարութիւն կը տարածէ այս իրավիճակին վերաբերեալ, այդ ահաւոր պատմական իրադարձութեան առիթով, եւ ես չեմ կարծեր, որ մինչ այդ մեր քաղաքականութիւնը պիտի փոխուի»,- ըսած է Ճոշ Էրնըսթ: