Ապրիլ 1-ին, ժամը 15.00–ին« “Այնթապի օրեր” ծրագրի ծիրէն ներս ՀՀ սփիւռքի նախարարութեան, Հալէպի Հայ Կրթասիրաց մշակութային միութեան, “Փիւնիկ” մարդկային ռեսուրսներու զարգացման համահայկական հիմնադրամի, Երեւանի Մ.Մաշտոցի անուան Մատենադարանի եւ “Սուրիահայերու հիմնախնդիրները համակարգող կեդրոն” ՀԿ-ի նախաձեռնութեամբ Երեւանի Մ.Մաշտոցի անուան Մատենադարանի մէջ տեղի պիտի ունենայ ՀԲԸՄ Հալէպի Մ. Սարեանի անուան կաճառի երկարամեայ ուսուցիչ Հրազդան Թոքմաճեանի “Այնթապի ասեղնագործութիւնը” գիրքի շնորհանդէսը. ինչպէս նաեւ` Այնթապի ասեղնագործութեան եզակի նմուշներու եւ Այնթապի հերոսամարտի դրուագները ներկայացնող լուսանկարներու ցուցադրութիւն: Կ’իրականացուին ասեղնագործութեան վարպետութեան դասեր (հասցէ` Մատենադարանի նոր մասնաշէնք, 3-րդ յարկ): Ծրագիրը կ’իրականացուի Հայոց ցեղասպանութեան 100-րդ տարելիցի ձեռնարկներու ծիրէն ներս: