Հայոց ցեղասպանութենէն 100 տարի անց հայաստանցի ուխտաւորները հնարաւորութիւն պիտի ունենան Սուրբ Զատիկը նշելու Վանի Ախթամար կղզիի Սուրբ Խաչ եկեղեցւոյ մէջ: Այս մասին NEWS.am-ի թղթակիցին հետ զրոյցին ըսաւ «Նարեկավանք Թուր» ընկերութեան համահիմնադիր Արմէն Յովհաննիսեան:

Արմէն Յովհաննիսեանի խօսքով` «Նարեկավանք Թուրը»  Սուրբ Զատիկը Ախթամարի սուրբ Խաչ եկեղեցւոյ մէջ նշելու համար յատուկ ուխտագնացութիւն  կը կազմակերպէ: «Ապրիլ 5-ին պիտի ապահովենք հայերու ներկայութիւնը Վանի Ախթամար կղզիին վրայ: Պատարագ չի մատուցուիր, քանի որ Պոլսոյ Հայոց պատրիարքարանը տարին մէկ անգամ  պատարագ կը մատուցէ Սուրբ Խաչ եկեղեցւոյ մէջ` Սեպտեմբերի 2-րդ
կիրակի օրը: Պատարագ չի մատուցուիր, սակայն աղօթք պիտի ըլլայ»,- ըսաւ Արմէն Յովհաննիսեան` շեշտելով, որ Ապրիլին քիչ թիւով հայեր պիտի ըլլան Ախթամարի մէջ:

Անոր խօսքով` այդ ժամանակ Ախթամար կղզիին վրայ կարելի է հիանալ ծաղկած նշենիներով եւ կղզիին դիմաց դեռեւս ձիւնածածկ Տաւրոսի լեռնաշղթայով:

Արմէն Յովհաննիսեան յիշեցուց, որ Սուրբ Զատիկին ուխտագնացութիւն  կը կազմակերպեն նաեւ Իրանի մէջ գտնուող Սուրբ Թադէի եւ Սուրբ Ստեփանոս Նախավկայի եկեղեցիներ: