Թուրքիոյ գլխաւոր ընդդիմադիր «Ժողովրդահանրապետական» կուսակցութեան պատգամաւոր Ուղուր Պայրաքթութան Թուրքիոյ խորհրդարանին մէջ կազմակերպուած մամլոյ ասուլիսին անդրադարձած է երէկ հայ-ատրպէյճանական սահմանին ատրպէյճանական զինուժին կողմէն հայկական Mi-24 ուղղաթիռի խոցման միջադէպին:  Այս մասին կը հաղորդէ թրքական «Հապերաքթուել» լրատուական կայքը:

Ermenihaber.am–ի փոխանցմամբ` թուրք պատգամաւորը, նշելով, որ ուղղաթիռը հարուածուած է սահմանը խախտելու հետեւանքով, ըսած է. «Կ’ուզեմ յայտարարել, որ «ժողովրդահանրապետական» կուսակցութիւնը Ատրպէյճանի արդար դատի հարցին մէջ վերջինիս կողքին է»:

Պայրաքթութան Հայաստանին մեղադրած է նաեւ սփիւռքին հողային պահանջներու, փոխհատուցման եւ ցեղասպանութեան ճանաչման հարցերուն  ուղղորդելու մէջ` ըսելով, որ  ատոնցմէ  որեւէ մէկը ընդունելի չէ Թուրքիոյ արտաքին քաղաքականութեան տեսանկիւնէն: