2012 թուականին գրի առնուած «Արսինէ» վէպը այլ տեսանկիւնէ կը մօտենայ Հայկական հարցին:

Պլոկըր Այճա Թուրքմէնը, «Ռատիքալի» պլոկին մէջ ներկայացնելով գիրքը, կը գրէ, որ այն բոլորովին այլ տեսանկիւնէ կը մօտենայ հայ եւ թուրք ժողովուրդներու հարիւրամեայ խնդիրին: Ըստ պլոկըրին` գիրքը կը շարունակէ մեծ հետաքրքրութեամբ ընդունուելու հայ եւ թուրք ընթերցողներու կողմէ: Այս մասին կը գրէ Ermenihaber.am-ը:

Թուրքմէնի տեղեկացմամբ`  շարք մը կազմակերպութիւններու, միութիւններու կողմէ առաջարկուած է գիրքը  2015 թուականին ներկայացնել գրականութեան Նոպելեան  մրցանակի:

Անոր կարծիքով «Արսինէ» վէպը, որ գրուած է 107-ամեայ հայ կնոջ պատմած փաստերու հիման վրայ, Հայոց ցեղասպանութեան 100-րդ ամեակին շատ քննարկումներու տեղի պիտի տայ:

Թուրքիոյ մէջ հայ եւ թուրք ժողովուրդներու միջեւ առկայ խնդիրը հիմնականին մէջ կը իշատակուի  վէճերու ու մահուան մասին պատմութիւններով, իսկ «Արսինէ» վէպը այդ խնդիրը կը ներկայացնէ  սիրոյ մասին պատմութեան միջոցով:

Սամսունի նահանգի Քաւաք գաւառի  Չաթլըճը գիւղին մէջ հայ (մայրը) եւ թուրք (հայրը) ծնողներու աղջիկը` Արսինէն ամբողջ կեանքի ընթացքին կրած դժուարութիւններու պատճառով կը հրաժարի հայկական անունէն եւ կ’ընտրէ Այշէ անունը: Վէպի  հեղինակը  թուրք գրող Ալի Պայրամն է: Գիրքը գրուած է 2 տարուան ընթացքին: