Հոկտեմբեր 9-ին Ս. Փեթերսպուրկի  Մոսկովեան շրջանի  ցուցասրահին մէջ տեղի ունեցաւ Լենինկրատեան ականաւոր  գծանկարիչ Պատուական Գրիգորեանցի (1899-1986) աշխատանքներու ցուցահանդէսի բացումը: Այս մասին «Հայերն այսօր»-ին կը յայտնէ «Փեթերսպուրկի հայերու լրաբեր»-ը:

Ձեռնարկին սկիզբը  Ս. Փեթերսպուրկի նկարիչներու միութեան վարչութեան անդամ,նկարիչ Աշոտ Խաչատրեան  արտայայտեց իր կարծիքը ներկայացուած աշխատանքներու մասին:

Վարպետին մասին իրենց յիշողութիւնները պատմեցին դուստրը` նկարիչ Իրինա Իգնատեւան բարեկամը` դասախօս Գրիգորի Աղաջանեան: Ռուսաստանի ազգային գրադարանի ազգային գրականութեան բաժինի վարիչ Շուշան Ժաբկոն տուաւ իր բարձր գնահատականը կազմակերպուած ցուցահանդէսի մասին եւ նշեց հասարակութեան մէջ մշակութային-լուսաւորական աշխատանքներու կարեւոր դերի ու նշանակութեան մասին:

Արուեստագէտ Կալինա Տիմոֆէեւան ներկայացուց իր պատրաստած զեկոյցը Պ. Գրիգորեանցի  կեանքի եւ ստեղծագործութեան մասին:

Երեկոյի աւարտին «Փեթերսպուրկի հայեր» տարածաշրջանային հասարակական կազմակերպութեան նախագահ Ալ. Նազարովը շնորհակալութեան խօսքեր յղեց ցուցասրահի պատասխանատու կարգադրիչներուն` համագործակցութեան համար:

Ցուցահանդէսը,որ կազմակերպած էր «Փեթերսպուրկի հայեր» տարածաշրջանային հասարակական կազմակերպութիւնը. այն կը շարունակուի մինչեւ 2014թ. Հոկտեմբեր 24: