Սեպտեմբեր 17-ին Երգահաններու Միութեան նախաձեռնութեամբ  Միութեան դահլիճին մէջ կայացաւ  «Հայրենադարձ ղօղանջներ» համերգային ծրագիրը:

Այն  իւրատեսակ  նախագիծ մըն էր, որ համախմբած էր վերջին իրադարձութիւններու արդիւնքով Հայաստան տեղափոխուած սուրիահայ երաժիշտներ` երգահաններ, մենակատարներ, խմբավարներ եւ երգչախումբի երգիչներ:  Երգահաններու Միութիւնը տուեալ համերգով նպատակ ունէր հանրութեան տեղեկացնել, որ սուրիահայ արուեստագէտները՝  չնայած առկայ դժուարութիւններուն, կը շարունակեն իրենց գործունէութիւնը և կը կատարելագործեն իրենց  հմտութիւնները հայրենիքի մէջ: Յատկանշական է, որ այս համերգին  սուրիահայ երաժիշտ-ընկերներուն իրենց կատարումներով աջակցեցան նաև տեղի երաժիշտները:

Եւ ահա, Միութեան նախագահ Արամ Սաթեանի ողջոյնի խօսքէն ետք համերգը մեկնարկեց սուրիահայ երիտասարդ երգահան Սարգիս Ադամեանի երկու ստեղծագործութիւններու կատարումներով: Ապա երեկոն զարդարուեցաւ Ծովինար Յովհաննիսեանի հեղինակած ստեղծագործութեան գոյներով՝ գրուած քանոնի և դաշնամուրի համար: Համերգի երրորդ համարը իսկական անակնկալ էր բոլորին համար: Բեմին վրայ յայտնուեցան չորս հրաշք փոքրիկներ, որոնք արագ տեղաւորուելով դաշնամուրին շուրջ, կատարեցին Հոլլէնհաուերի ստեղծագործութիւնը: Փոքրիկներուն եկան յաջորդելու իրենց աւագ ընկերները՝ «Քառեակ» լարային քառեակը:

Երաժիշտներուն շնորհիւ Երգահաններու Միութեան դահլիճին մէջ թևածեց Կոմիտասեան հնչիւնները:   Համերգին աւարտին ներկաներն ունկնդրեցին Սուրբ Յովհաննէս եկեղեցւոյ երգչախումբի հիանալի կատարումները (գեղարուեստական ղեկավար` Շահէն Քեշիշեան):