Սեպտեմբեր 21-ին ՀՀ Նախագահ Սերժ Սարգսեան Հայաստանի Հանրապետութեան Անկախութեան տօնին առիթով, ինչպէս նաեւ ծաւալած հայանպաստ ակնառու գործունէութեան, Հայաստան-Սփիւռք կապերու ամրապնդման գործին մէջ ներդրած նշանակալի աւանդի համար  շարք մը սփիւռքահայ գործիչներ պարգեւատրեց մետալներով:

«Մխիթար Գոշ» մետալով պարգեւատրուեցան` Քեսապի  քաղաքապետ, ՀԲԸՄ Քեսապի շրջանային վարչութեան ատենապետ Վազգէն Չափարեան (Սուրիա),  Քալիֆորնիոյ նահանգային խորհրդարանին մէջ 35-րդ ընտրատարածքի  ներկայացուցիչ Խաչօ Աչաճեան (ԱՄՆ), Քալիֆորնիոյ նահանգային խորհրդարանին մէջ 46-րդ ընտրատարածքի  ներկայացուցիչ Ատրին Նազարեան (ԱՄՆ), Ամերիկայի հայկական խորհուրդի Լուիզիանայի նահանգային մարմինի նախագահ Վազգէն Գալթակճեան (ԱՄՆ), Լիբանանի ԶՈՒ զօրավար, Լիբանանի Հանրապետութեան  նախկին պետական նախարար Փանոս Մանճեան, ՀՅԴ Հայ Դատի Եւրոպայի յանձնախումբի գրասենեակի նախագահ, Գասպար Կարապետեան (Պելճիգա):

Պոսթօնի համալսարանի նախագահ, բժիշկ Արամ  Չոպանեան պարգեւատրուեցաւ  «Մխիթար Հերացի» մետալով:

«Մովսէս Խորենացի»  մետալով պարգեւատրուեցան`  ԱՄՆ Ամերիկայի Հայ Աւետարանչական ընկերակցութեան (ԱՀԱԸ) հոգաբարձութեան խորհուրդի անդամ  Էդուարդ  Աւետիսեան, Իտալիոյ Հայոց միութեան նախագահ Պայքար Սվազլեան, Կիպրոսի Հայ Դատի գրասենեակի ղեկավար, «Կիպրահայեր» թերթի գլխաւոր խմբագիր Սիմոն Այնեճեան, Հոլանտայի Ալմելօ քաղաքի հայկական եկեղեցւոյ խորհուրդի վարչութեան նախագահ,  բարերար Քրիսթիան  Վարդան-Ֆերմանի Գելիճին, Փարիզի Ֆրանսահայ կազմակերպութիւններու համակարգող խորհուրդի համանախագահ, «Նուէլ Տ’արմէնի» ելեկտրոնային օրաթերթի եւ տպագիր  պարբերականի հինադիր,գլխաւոր խմբագիր Արա Թորանեան (Ֆրանսա ), Փարիզի Սորպոնի համալսարանի դասախօս, փրոֆէսոր Հիլտա Գալֆայեան-Փանոսեան, Համազգային հայ կրթական մշակութային միութեան  «Բագին» պաշտօնաթերթի գլխաւոր խմբագիր, ազգային գործիչ, Ֆրանսայի Մարսէլ քաղաքի Համազգային ամէնօրեայ հայկական վարժարանի հիմնադիր Յակոբ Պալեան, «Ռուս-հայկական համագործակցութիւն» հասարակական կազմակերպութեան նախագահ, հասարակական-քաղաքական գործիչ  Եուրի Նաւոյեան (ՌԴ),  Ս. Փեթերսպուրկի «ՌոսՎոենՍտրոյ» ԲԲԸ- ի հասարակայնութեան հետ կապերու գիծով տնօրէն, հասարակական գործիչ, բարերար Հրաչեայ Պօղոսեան, Սան-Մարինոյի գիտութիւններու եւ արուեստի միջազգային ակադեմիոյ դոկտոր-փրոֆէսոր Օֆելիա Առաքելեան (ՌԴ), Պոլսոյ Ազգային Կեդրոնական վարժարանի տնօրէն Սիլվա Գույումճեան (Թուրքիա), Թեհրանի Հայոց թեմի պատգամաւորական  ժողովի ատենապետ Գէորգ Վարդան (Իրան), Սպահանի Հայոց Թեմի թեմական խորհուրդի ատենապետ Նոէլ Մինասեան (Իրան), Հայ մարզական-մշակութային «Արարատ» միութեան կեդրոնական վարչութեան ատենապետ,  իրան-Հայաստան մշակութային եւ մարզական կապերու յանձնախումբի նախագահ Համլէթ Խալոյեան (Իրան), Իրաքի Ազգային կեդրոնական վարչութեան  նախկին ատենապետ Պարոյր Յակոբեան, Տանն Կիլիկիոյ Կաթողիկէ  Հայոց Պատրիարքութեան  «Մասիս» քաղաքական ամսաթերթի խմբագիր եւ պատասխանատու տնօրէն Սարգիս Նաճարեան (Լիբանան):

Պարգեւատրուածները շնորհակալութիւն յայտնեցին ՀՀ Նախագահ Սերժ Սարգսեանին իրենց աշխատանքը բարձր գնահատելու եւ արժեւորելու համար եւ հաւաստիացուցին, որ յառաջիկային եւս պիտի շարունակեն առաւելագոյնը ընել Հայաստան-Սփիւռք գործակցութեան զարգացման ու հայրենիքի բարօրութեան նպաստելու համար: