Ալ. Սպենդեարեանի անունան օփերայի եւ պալէի դահլիճին մէջ քիչ առաջ ՀՀ սփիւռքի նախարարութեան աշխատակազմի ղեկավար Ֆիրտուս Զաքարեան բացուած յայտարարեց Հայաստան-Սփիւռք հինգերորդ համաժողովը:

Ժողովին կը մասնակցին 300 կառոյցներու ներկայացուցիչներ, աւելի քան 60 երկրի 1050 հոգի, որոնք միաբերան երգեցին Հայաստանի Հանրապետութեան հիմնը:

Համաժողովի բացման ներկայ են ԼՂՀ նախագահ Բակօ Սահակեանը, ՀՀ վարչապետ Յովիկ Աբրահամեանը, ՀՀ պաշտպանութեան նախարար Սէյրան Օհանեանը, Ամենայն Հայոց եւ Կիլիկիոյ կաթողիկոսները, Երեւանի քաղաքապետը, Ռուսաստանի Հայերու միութեան նախագահ Արա Աբրահամեանը, Հայոց Ցեղասպանութեան թանգարան-հիմնարկի տնօրէն Հայկ Դէմոյեանը, Համազգայինի հայ կրթական եւ մշակութային միութեան Կեդրոնական վարչութեան անդամ Կարօ Մանճիկեանը, եւ շատ ուրիշներ:

Ելոյթ ունենալով ներկաներուն առջեւ՝ ՀՀ վարչապետը յայտնեց,- «Ուրախ եմ ձեզ հետ քննարկելու Հայաստան-Սփիւռք-Ացախ եռամիասնութեան խնդիրները: Միայն միասնութեան շնորհիւ է, որ մենք կարող ենք դիմագրաւել հայ ժողովրդի առջեւ ծառացած ներքին եւ արտաքին խնդիրները: Մենք Հայաստանում մեզ աւելի զօրեղ ենք զգում՝ Սփիւռքի ներուժով»: