Թուրքիոյ մէջ կան թեմաներ, որոնց վերաբերեալ կան չբարձրաձայնելու մասին չգրուած օրէնքներ: Այդ թեմաներէն են Ցեղասպանութենէն ետք հայերու ունեցուածքի թալանն ու իւրացումները:

NEWS.am-ն այս անգամ կը ներկայացնէ Թուրքիոյ խոշորագոյն հոլտինկներէն մէկուն սեփականատէր ընտանիքի պատմութիւնը, որն ըստ հարեւաններուն, մեծապէս կապուած է հայերու ձգած հարստութեան իւրացման հետ:

Խօսքը Eren հոլտինկի սեփականատէր Էրեններու ընտանիքի մասին է: Այս ընկերութիւնը կարելի է համարել Ռէճէպ Թայիպ Էրտողանի կողմէ հովանաւորուող  մէկը: Ընկերութեան  նախագահը Ահմետ Էրենն է, որ բարձագոյն կրթութիւն ստանալէ ետք 1970-էն իր ձեռքը  վերցուցած է ընտանիքին պատկանող գործարարութիւնները եւ զարգացուցած է ատոնք:

Առաջին հայեացքէն կը թուի, թէ ամէն ինչ տրամաբանական է, սակայն այլ բան կը խօսին Ահմետ Էրենի ծննդավայրին` Պիթլիսի մէջ: Ահմետ Էրենի ընտանիքը Պիթլիսի մէջ ապրած է հայերէն խլուած տան մէջ: Այդ տունը նոյն թաղամասին մէջ  գտնուի, ուր, որ ապրած է Ուիլեամ Սարոյեանի ընտանիքը:

Հարեւանները կը պնդեն, թէ Էրեններու ընտանիքը իր նախնական դրամագլուխը ձեռք բերած է հայերէ խլուած տան մէջ յայտնաբերուած խոշոր հարստութեան շնորհիւ, այսինքն, Էրեններու գործերը սկսան լաւնալ, երբ յայտնաբերեցին հայերու ձգած հարստութիւնները: Իսկ հարեւաններէն մէկը նշած էր, որ ժամանակին հայուն պատկանած տան մէջ Էրենները բացի մեծ քանակութեամբ ոսկի յայտնաբերելէ նաեւ արուեստի թանկարժէք գործեր  յայտնաբերած են:

Էրեն հոլտինկին մէջ կը մտնեն ուժանիւթի,  գործուածքներու, հանքարդիւնաբերութեան, թեթեւ արդիւնաբերութեան, մեքենաշինութեան, խոշորածաւալ բեռնափոխադրումներու ոլորտին մէջ գործունէութիւն ծաւալող տասնեակ ընկերութիւններ: Բացի այդ, Էրեն ընկերութիւնը կը զբաղի համաշխարհային  շարք մը ապրանքանիշներ Թուրքիոյ եւ ԱՊՀ երկիրներու մէջ ներկայացնելով: Էրեն  հոլտինկ ընկերութիւններուն մէջ կ’աշխատին 8 000-է աւելի մարդ:

Արթուր Յակոբեան

news.am