Յուլիս 4ին  Երեւանի Խ. Աբովեանի անուան պետական մանկավարժական համալսարանի «Կուլտուրայի» բաժանմունքի պարարուեստի ամպիոնին մէջ  «Իմ Հայաստան» փառատօնի ծիրէն ներս տեղի ունեցաւ թիւով երկրորդ վարպետութեան դասը : Դասին կը մասնակցէին փառատօնի մասնակից տասնհինգ  խումբերու ղեկավարներ եւ պարուսոյցներ : Նպատակը պարուսոյցներուն հայկական պարերը եւ  ատոնց նշանակութիւնը  սորվեցնելն էր:  Դասը վարող ` պարուսոյց Սուրէն Խաչատրեանը, կը սորվեցնէր ոչ միայն պարերը ,այլ նաեւ ատոնց նշանակութիւնը, ծագումը :

«Ես կարծում եմ , որ դասերը շատ լաւ անցան ,մենք հասցրինք անել այն ,ինչ պլանաորել էինք: Շնորհակալութիւն Սփիւռքի նախարարութեանը նման հնարաւորութիւն ընձեռելու համար: Յոյս ունեմ փառատօնը կ’ունենայ շարունակական բնոյթ» ,-նշեց Սուրէն Խաչատրեան:

Ոգեւորուած էին թէ՛ մասնակիցները ,թէ՛ կազմակերպիչները : Խումբերու ղեկավարներու շարքին կային նաեւ օտարազգի պարուսոյցներ ,որոնք նոյնպէս եկած էին սորվելու հայկական պարերը :

Մասնակիցները մեծ գիտելիքի պաշար ստացած կը  հեռանան: Անոնց խօսքով` մեծ փորձ ու հայկական պարերու ոգին զգալու հնարաւորութիւն էր այս դասը :Յոյս ունին, որ հնարաւորութիւն կ’ունենան մասնակցելու նաեւ յաջորդ տարիներուն :

Դասի աւարտին պարուսոյցները Սուրէն Խաչատրեանին հետ պարեցին յաղթական «Քերծին» եւ «Շատախին»:

Արփի Կիրակոսեան