Թուրքիոյ մէջ լրագրողներէ, փաստաբաններէ եւ մարդու իրաւունքներու պաշտպաններէ բաղկացած նախաձեռնող խումբ մը Հայոց ցեղասպանութեան 100-ամեակին ընդառաջ համաժողով կը նախապատրաստէ` «2015թ.-էն 1 պակաս. մեր անցեալն ու ապագան» խորագիրով:

Ինչպէս կը տեղեկացնէ Hye Tert-ը, նախաձեռնողները հետաքրքրուող բոլոր անձանց կը հրաւիրեն մարտ 16-ին կայանալիք համաժողովին:
Demokrat Haber կայքի խմբագիր Մեհմէթ Գէօջեքլին կ’ըսէ, թէ եթէ իրենց ժողովուրդը այդքան շատ կը սիրէ պատմութիւնը, պատմական գիրքերը, հաղորդումներն ու սերիալները, ապա իրենք կ’առաջարկեն միասին կարդալ պատմութիւնն ու պարզել` ի՞նչ  տեղի ունեցած է 1915թ.-ին:

նախաձեռնողները կը նշեն, որ պետութիւնը արդէն սկսած է պատրաստուիլ ցեղասպանութեան 100-ամեակին: «Եթէ անոնք քաղաքական նպատակներով կը պատրաստուին, մենք ալ կը պատրաստուինք խօսիլ իրականութեան մասին, եւ առերեսուիլ մեր անցեալին»,-կ’ըսէ Գէօջեքլին` ընդգծելով, որ 1915թ.-ի Հայոց ցեղասպանութեան թեման այնքան կարեւոր է, որ այն չի կարելի կառավարութեան քաղաքականութեան յանձնել:

Ան նշած է, թէ Թուրքիոյ տարածքին մէջ բնակող ամէն մարդ պէտք է հարցնէ` «1915թ.-ին ի՞նչ  տեղի ունեցած է », եւ կոչ ընէ, որ ամէն մարդ կատարէ իր պարտականութիւնը:

«100 տարի առաջ Հաքքարիի բնակչութեան կէսը ասորի էր, Վանի բնակչութեան կէսը` հայ: Եկէք մտածենք` ու՞ր գացին այդ մարդիկ, ինչու՞ գացին: Ձեզի չի՞ հետաքրքրեր»,-կ’ըսէ Գէօջեքլին ու կ’աւելցնէ, որ իրենց նպատակը պարզապէս քննարկելն ու խօսիլն է եւ դադրիլ այնպէս վարուիլ, կարծես այս հողերուն  նման ողբերգութիւն չէ եղած:

Ան կը նշէ, որ ազատ, հաւասար եւ ժողովրդավար ապագայ ստեղծելու համար պէտք է առերեսուիլ անցեալին:

թերթ.am