Եգիպտոսի մօտ Հայաստանի դեսպան Արմէն Մելքոնեան հանդիպում ունեցաւ ԵԱՀ քաղաքացիական օդանաւային նախարար Ապտելազիզ Ֆատելի հետ: Հանդիպման ընթացքին քննարկուեցան երկու երկիրներու միջեւ քաղաքացիական օդանաւային ոլորտին մէջ փոխշահաւէտ համագործակցութեան հնարաւորութիւնները, ինչպէս նաեւ Երեւանի եւ Գահիրէի միջեւ կանոնաւոր տարանցիկ չուերթներ հաստատելու հեռանկարները:

Դեսպան Մելքոնեան եգիպտացի նախարարին տեղեկացուց «Բաց երկնքի» քաղաքականութեան անցնելու Հայաստանի կառավարութեան որոշման մասին եւ յոյս յայտնեց, որ այն կը նպաստէ երկու մայրաքաղաքները օդային կամուրջով իրար կապելու վաղեմի ծրագիրի իրականացման` եգիպտական ընկերութիւններու առջեւ լայն հնարաւորութիւններ ստեղծելով Երեւանի տարանցիկ առաւելութիւններէն օգտուելու համար: Այս մասին «Հայերն  այսօր» -ին կը տեղեկացնեն ՀՀ ԱԳՆ մամլոյ գրասենեակէն: