Փետրուար 13-ին ՀՀ սփիւռքի նախարար Հրանոյշ Յակոբեան ընդունեց ՀԽՍՀ եւ ԽՍՀՄ ժողովրդական արուեստագիտուհի, պետական մրցանակի դափնեկիր, հայ թատրոնի մեծանուն դերասանուհի Վարդուհի Վարդերեսեանը:

 Բարձր գնահատելով ՀՀ սփիւռքի նախարարութեան ներդրած ջանքերը սուրիահայերու խնդիրներու լուծման աջակցման գործին մէջ` անուանի դերասանուհին պատրաստակամութիւն յայտնեց հանդիպում ունենալ սուրիահայերու հետ: Նախարար Հրանոյշ Յակոբեանի առաջարկով կը նախատեսուի  կազմակերպել Վարդուհի Վարդերեսեանի մեծարման երեկոյ – հանդիպումը Հայաստան տեղափոխուած սուրիահայերու հետ:

Ձեռնարկին ընթացքին սուրիահայ հանդիսատեսին կը ներկայացուին դերասանուհիի կեանքի եւ ստեղծագործութեան մասին պատմող դրուագներ:

Նշենք, որ բազմավաստակ արուեստագէտի բարձրագոյն պարգեւներու շարքին իր արժանի տեղն ունի նաեւ 1985թ Սուրիոյ մէջ Հալէպ քաղաքի §Ադամեան» թատրոնի կողմէ ստացած ոսկէ մետալը: