«Ոչ բոլոր հարցերը կարելի է լուծել կառավարական կառոյցների միջոցով, անհրաժեշտ են նաեւ հասարակական նախաձեռնութիւններ»,- ասել է նա: Անտարակոյս, ուրախալի է այն հանգամանքը, որ Սփիւռքի մեծաթիւ ներկայացուցիչներ նոր հայեացքով են գնահատում Հայրենիք-Սփիւռք յարաբերութիւնները, ջանում են այդ յարաբերութիւններին հաղորդել նոր որակ: Սակայն յատկապէս սոյն կարծիքը մէկ անգամ եւս հաստատում է այն միտքը, որ տակաւին ճշգրտութեամբ չեն ընկալւում այն ջանքերը, որոնք ներդնում են Հայաստանի իշխանութիւնները` Սփիւռքի հետ գործուն եւ համակողմանի գործակցութիւն հաստատելու համար: ՀՀ Սփիւռքի նախարարութիւնը, որը ձեւաւորուել է երեք տարի առաջ` նպատակ ունենալով համակարգել Հայաստան-Սփիւռք յարաբերութիւնները, մշակել այդ յարաբերութիւններին նպաստող նոր կառուցակարգէր, արդէն իսկ խնդիրները տեղափոխում է միանգամայն նոր հարթութիւն, հանրային-համայնքային շփումները տեղաւորում պետական քաղաքականութեան ծիրի միջ, հեռանում սոսկ հայրենակցական-մշակութային յարաբերութիւններից: Սփիւռքի նախարարութիւնը հզօր կառոյց է` իր բազմաթիւ վարչութիւններով ու բաժիններով, որոնք էլ համակարգում են Հայաստանի եւ համայնքների միջեւ համագործակցութիւնը` օգտագործելով համայնքների ներուժը: Հէնց այդ համագործակցութեան բարելաւման եւ նոր մեթոդների մշակման համար էլ հրաւիրուած էր Համաժողովը, որն  իրապէս դրական եւ օգտակար արդիւնքներ կունենայ յետագայում: Նախարարութիւնն ունի Ատեան, որի կազմում ընդգրկուած են Հայաստանի եւ Սփիւռքի անուանի գործիչներ: Ուրեմն, ոչ կառավարական խորհրդի ձեւաւորումն այս դէպքում դառնում է ինքնանպատակ: Գուցէ առաւել գործնական կը լինի, եթէ համայնքներում ստեղծուէն ՀՀ  Սփիւռքի նախարարութեան հետ համագործակցութիւնը համակարգող ոչ մեծ խորհուրդներ, որոնք առաւել նպատակային կը դարձնեն շփումներն ու փոխգործակցութիւնը, տարերային այցերին կը հաղորդեն հայեցակարգային-գործնական որակներ: Ի դէպ, նման գաղափարին կողմնակից էին Համաժողովի մի շարք պատուիրակներ, ովքեր բարձր գնահատելով հայրենի կառավարութեան եւ Սփիւռքի ջանքերը` շեշտում էին այն հանգամանքը, որ շատ համայնքներում համակարգուած չէ աշխատանքը, երբեմն համայնքների շատ անդամներ հեռու են համայնքային ծրագրերից եւ միջոցառումներից, տեղեակ չեն Հայրենիքի հետ տարուող համատեղ աշխատանքների մասին, ինչի արդիւնքում էլ յաճախ իրենք են անձամբ դիմում Սփիւռքի նախարարութիւն ` լուծելու իրենց առջեւ ծառացած մի շարք հիմնահարցեր:

Ալեքսիս Գովչեանը  նաեւ մեկնաբանել է վերջերս տեղի ունեցած սկանդալը Շուեյցարիայում Հայաստանի դեսպան, աշխարհահռչակ շանսոնյէ Շառլ Ազնաւուրի վերջին արտայայտութիւնների առիթով, որոնք խեղաթիւրուած տարածուել են թուրքական եւ ադրբեջանական ԶԼՄ-ներում:

§Ազնաւուրի ամէն խօսքի կշիռն այնքան ծանր է, նրա հեղինակութիւնն այնքան մեծ է, որ հազիւ թէ թուրք քաղաքական գործիչներին յաջողուի վարկաբեկել նրան»,- ասել է նա:

Շուեյցարիայում Հայաստանի դեսպան, աշխարհահռչակ շանսոնյէ Շառլ Ազնաւուրի խօսքերը խեղաթիւրուել են թուրքական ԶԼՄ-ների կողմից: Մասնաւորապէս, ինչպէս նշել է թուրքական HaberTurk-ը, Ազնաւուրը իբր նշել է, որ Թուրքիայի հետ երկխօսութեան պարզեցման եւ հայ-թուրքական սահմանի բացման համար հայերը պէտք է« ցեղասպանութեանէ փոխարէն այլ բառ գործածեն: Աւելին, «նման յայտարարութիւնների արդիւնքում երգիչը խիստ քննադատութեան է ենթարկուել Ֆրանսիայում հայ համայնքի կողմից», հաղորդել է գործակալութիւնը:

Սակայն ֆրանսիական հեռուստատեսութեան լրագրողի հետ Ազնաւուրի զրոյցի սղագրութիւնից պարզ է դառնում, թէ իրականում շանսոնյեն ինչ է նկատի ունեցել` առաջարկելով «ցեղասպանութիւն» բառը փոխարինել մէկ ուրիշով:
Պատասխանելով լրագրողի հարցերին` Ազնաւուրը նշել է, որ «ցեղասպանութիւնը» մի բառ է, որը իրեն խանգարում է, քանի որ եթէ թուրքերն իսկապէս այնքան պարկեշտութիւն ունենան ասելու, որ Ցեղասպանութիւն բառն է, որն իրենց խանգարում է, «մենք մի այլ բառ կը գտնենք, որպէսզի սահմանները բացուեն, եւ որ թուրքական կառավարութիւնը մտածի երկխօսութիւն սկսել մեզ հետ»: Դեսպանի խօսքով` ողբերգութեան աստիճանը բառը չէ, որ պէտք է որոշի. «այն փաստը, որ թուրքերը ցանկացել են սպանել, զանգուածային կերպով ոչնչացնել հայերին, այդ է կարեւորը, այլ ոչ թէ բառը»:

Մեկնաբանելով թուրքական իշխանութիւնների ժխտողական քաղաքականութիւնը` Ազնաւուրը նկատել է, որ դա, ամենայն հաւանականութեամբ, պատուի հարց է, որը գետնով կը տան կատարուածը ճանաչելուց յետոյ:

Զանգուածային լրատուամիջոցները տեղեկատուութիւն են տարածել, որ Շառլ Ազնաւուրը կոչ է արել փոխարինելու «ցեղասպանութիւն» բառը մէկ ուրիշով, քանի որ այն խանգարում է բարիդրացիական յարաբերութիւնների հաստատմանը: Ընդ որում, նա նաեւ ցանկութիւն է յայտնել այցելելու Թուրքիայ` նշելով, որ թուրքերը շատ լաւ ժողովուրդ են:

Պատրաստեց  Լեւոն Մութաֆեանը