Օրերս Բաքւում Լեհաստանի դեսպանատունը յայտարարութիւն է տարածել, որում յայտնում է, որ Լեհաստանի քաղաքացիներն առանց Ադրբեջանի իշխանութիւնների թոյլտուութեան չեն կարող այցելել Լեռնային Ղարաբաղ: «Միջազգային իրաւունքի համաձայն ԼՂ-ն Ադրբեջանի անբաժանելի մասն է: Առանց պաշտօնական Բաքուի թոյլտուութեան մուտքը բռնազաւթուած տարածքներ գնահատուելու է որպէս Ադրբեջանի Հանրապետութեան պետական սահմանի խախտում»,- ասւում է յայտարարութեան մէջ, որը տեղադրուած է Բաքւում Լեհաստանի դեսպանատան պաշտօնական կայքում: Պէտք է նշել է, որ տուեալ պահին կայքը գտնւում է մշակման փուլում:

Ինչպէս յայտնել են «Հայերն այսօր»-ին Երեւանում Լեհաստանի դեսպանատնից, այդ յայտարարութիւնը հիւպատոսային տեղեկատուութիւն է, այլ ոչ թէ Լեհաստանի ԱԳՆ պաշտօնական դիրքորոշումը:

Յիշեցնենք, որ դեկտեմբերի 18-ին Եւրախորհրդարանի պատգամաւոր, Հայաստանի հարցերով հիմնական զեկուցող Թոմաշ Պորեբան այցել է ԼՂՀ, որտեղ հանդիպել է անկախ հանրապետութեան ղեկավարութեան հետ: Այդ այցելութիւնն առաջացրել է Բաքուի դժգոհութիւնը: Ադրբեջանի Ագն-ն ԵԽ պատգամաւորին յայտարարել է որպէս «պերսոնայ նոն գրատա»: