Notice: Uninitialized string offset: 2 in /home3/azerytoday/public_html/hayerold/wp-content/plugins/qtranslate-x/qtranslate_utils.php on line 501

Notice: Uninitialized string offset: 2 in /home3/azerytoday/public_html/hayerold/wp-content/plugins/qtranslate-x/qtranslate_utils.php on line 501

Notice: get_currentuserinfo is deprecated since version 4.5.0! Use wp_get_current_user() instead. in /home3/azerytoday/public_html/hayerold/wp-includes/functions.php on line 3839

Բերիոյ Հայոց թեմի առաջնորդ Գերաշնորհ Տէր Շահան եպիսկոպոս Սարգիսեանի նախաձեռնութեամբ Ամանորի եւ Սուրբ Ծնունդի առիթով նուէրներ բաժնուած են Հալէպի մէջ 2013թ.-ի ընթացքին ծնած 100 հայ երեխաներու ընտանիքներուն:

Այս մասին ինչպէս կը տեղեկացնէ «Բերիոյ լուրերու» Facebook-եան էջը, նուէրներու ծրարները պարունակած են կաթ, կենցաղային իրեր եւ հագուստ:

Գաղափարին աջակցած են եկեղեցական կազմակերպութիւններ եւ անհատներ, որոնք
նիւթապէս օժանդակած են նախագիծի իրականացման:

Ողջոյնի խօսքով  հանդէս եկած է Տէր Տաթեւ քահանայ Միքայէլեան, որ նշած է, որ երեխաները իրենց յոյսն ու ապագան են, եւ շնորհակալութիւն  յայտնած է բոլոր անոնց, որոնք նիւթապէս ու բարոյապէս աջակցած են այդ ծրագիրի իրագործման:

«Եկեղեցւոյ մէջ հաւաքուած 100 մանուկներու ճիչը կը խորհրդանշէ կեանք: Անոնց
անմեղսունակ ժպիտը յոյս կը ներշնչէ»,- գրած է «Բերիոյ լուրերու» Facebook-եան էջը:

Սրբազանը եւս ողջունած է ներկաներուն եւ նշած, որ չնայած երկրի դժուարութիւնները` Աստուած կը շարունակէ կեանք պարգեւել: «Այս կեանքը սոսկ միս ու ոսկոր չէ, այլ Աստուծոյ շօշափելի եւ զգալի յոյսը` ձեր գիրկի մէջ»,-ըսած է ան:

Ան նշած է, թէ կը ցանկան համայն մարդկութեան ըսել, որ թէեւ Հալէպը կործանած քաղաք է, վտանգուած, դժուարին պայմաններու մէջ կը  գտնուի, սակայն իրենք կը շարունակեն ապրիլ եւ յոյսով նայիլ ապագային:

«Այս երեխաներու ծնունդը լաւագոյն ապացոյցն է շարունակուող կեանքի եւ երկիրը կրկին ոտքի կանգնած ու ծաղկած տեսնելու մեր հաւատքին»,- ըսած է սրբազանը:

www.tert.am