Մայիս 12-ին ՀՀ նախագահ Արմէն Սարգսեանի հրամանագրով Մխիթար Հայրապետեանը նշանակուած է ՀՀ սփիւռքի նախարար:

Նշանակման առիթով նորանշանակ նախարարն իր ֆէյսպուքեան էջին վրայ գրած է. «Հայաստանի բնակչութեան թիւը հնարաւորինս կարճ ժամկէտում կրկնապատկելու միջոցը Մեծ հայրենադարձութիւնն է. անհրաժեշտ է Հայաստանը դարձնել բոլոր հայերի երկիր, այնպէս, որ աշխարհի ցանկացած կէտում գտնուող հայ իրեն նոյնականացնի հայկական պետականութեան հետ եւ այն դիտարկի եթէ ոչ իր, առնուազն իր սերունդների պոտենցիալ բնակավայր: Որպէս ՀՀ սփիւռքի նախարար` իմ աշխատանքային առաջին իսկ օրուանից ինքնամոռաց ու ողջ եռանդով լծուելու եմ դեռեւս մէկ տարի առաջ մեր նախընտրական ծրագրում տեղ գտած այս գաղափարը կեանքի կոչելու գործին»:

Կից «Հայերն այսօր»-ը կը  ներկայացնէ Սփիւռքի նորանշանակ նախարար Մխիթար Հայրապետեանի կենսագրութիւնը:

Յաճախած է 186 դպրոցը, այնուհետեւ` 127 աւագ դպրոցը:

2011-ին  ընդունուած է ԵՊՀ, 2014-ին` մագիստրատուրա:

2011-15 եղած է երիտասարդ քաղաքական գործիչներու ընկերակցութեան անդամ  :

2007-2011թթ. ուսանած է ԵՊՀ Արեւելագիտութեան բաժանմունքին մէջ:

2011-2013թթ. ուսանած է նոյն բաժանմունքի մագիստրատուրային մէջ:

2013-ին ձեւակերպուած է որպէս հայցորդ ԳԱԱ Արեւելագիտութեան ինստիտուտին մէջ: Եղած է Արեւելագիտութեան բաժանմունքի Ուսանողական խորհուրդի եւ Ուսանողական գիտական ընկերութեան անդամ:

Երկու գիտական յօդուածի հեղինակ է:

2012-ին թրքագէտ Գէորգ Պետրոսեանի հետ հիմնած է Թրքագիտական հարթակը (AllTurkey.am): Կը հանդիսանայ ԵՔԳԱ-ի հիմնադիրներէն մէկը:

Աշխատած է «Ախթամար տուր», «ArmActive – Youth Center», «Peace and Development Youth Club» եւ «Euphrates Research Center – ԵՓՐԱՏ կեդրոն» ընկերութիւններուն մէջ:

Աշխատած է Հայնիւզ, Արարտնիւզ եւ 1in.am լրատուական կայքին մէջ` որպէս վերլուծաբան: