Չորեքշաբթի, 21 Փետրուար 2018-ի առաւօտեան, զինեալ խմբաւորումներ, կրկին խախտելով արեւելեան Ղութայի լարուածութեան մեղմացման գօտիներու համաձայնութիւնը եւ 22 Յուլիսին սուրիական բանակին յայտարարած զինադադարը, հրթիռակոծած են Դամասկոսի զանազան շրջանները:

«Գանձասար»ի Դամասկոսի աղբիւրին համաձայն, հրթիռակոծուած է նաեւ Պապ Շարքի շրջանը, ուր կը գտնուի Հայ Առաքելական Ս. Սարգիս եկեղեցին: Եկեղեցւոյ դրան կից գտնուող պատը վնասուած է, սակայն եկեղեցին լուրջ վնասներ չէ կրած: