Հայաստանի սփիւռքի նախարար Հրանոյշ Յակոբեան այսօր` նոյեմբեր 3-ին, հանդիպեցաւ Ղազախստանի Աթըրաու մարզի «Տաւրոս» հայկական մշակութային կեդրոնի տնօրէն, գործարար Գագիկ Փլուզեանը:

Ողջունելով հիւրը` նախարարը գոհունակութիւն յայտնեց Աթըրաուի մէջ հայ համայնքին ցուցաբերած օգնութեան համար: Գագիկ Փլուզեան նախարար Յակոբեանին ներկայացուց համայնքին մէջ առկայ որոշ խնդիրներ` մասնաւորապէս որպէս արդիական խնդիր առանձնացուեցաւ Աթըրաուի հայկական մէկօրեայ դպրոցին մէջ ուսուցիչներու պահանջարկի, դասագիրքերու եւ ուսուցողական նիւթերու պակասի հարցը:

Նախարարը յանձնարարեց Սփիւռքի նախարարութեան համապատասխան ստորաբաժանման մէջ կազմակերպել դպրոցական դասագիրքերու, խտասալիկներու տրամադրումը համայնքին: Ինչ կը վերաբերի ուսուցիչներու ոչ բաւարար քանակութեան, ապա նախարարն առաջարկեց լուծման տարբերակներ, որոնցմէ  է մանկավարժներու վերապատրաստումը Հայաստանի մէջ:

Հրանոյշ Յակոբեան եւ Գագիկ Փլուզեան քննարկեցին նաեւ Ղազախստանի հայերու հայրենիք վերադառնալու հետ կապուած  շարք մը հարցեր: