Կը ներկայացնենք «Հայերն այսօր»-ի հարցազրոյցը «Արի տուն» ծրագիրի ռուսաստանաբնակ 17-ամեայ մասնակից Ռոման Աւանէսեանի հետ:

–Առաջին անգա՞մ  կու գաս Հայաստան:

 -ո՛չ, ես արդէն 4-րդ անգամ կու գամ : Առաջին անգամ ինը տարեկանիս  եկած եմ Հայրենիք: Ծնած եմ Ռուսաստան, մայրս ազգութեամբ ռուս է, իսկ հայրս` հայ:  Հայրս երիտասարդ ժամանակ  գացած է Մոսկուա` ուսանելու Ազգային գիտահետազօտական ինստիտուտի միջուկային գիտութիւններու բաժինին մէջ, հանդիպած է մօրս, ամուսնացած եւ մնացած է Մոսկուա:

–Ռոմա՛ն,  ուրկէ՞   իմացած ես «Արի տուն» ծրագիրին մասին:

– Իմ մեծհայրս ինծի ըսաւ, որ Հայաստանի մէջ նման ծրագիր կայ: Ես որոշեցի անպայման մասնակցիլ: Ծանօթացայ  ծրագիրին. ինծի շատ հետաքրքրեցին շրջագայութիւնները: Ես կ´ուզէի ճանապարհորդել Հայաստանի մէջ եւ տեսնել Հայրենիքիս տեսարժան վայրերը, հայկական ճարտարապետութիւնը եւ  այն ամէնը, որ կը կոչենք  հայրենիք:

–Ռոմա՛ն,  դուն  հայերէնին չե՞ս տիրապետեր:

-Ո՛չ, սակայն  ցանկութիւն ունիմ սորվելու: Հայերէն քանի մը բառ գիտեմ ընդամէնը` ոնց ե՞ս, շնորհակալութիւն, բարեւ, կամանչ-կամանչ (կամաց-կամաց)… Իմ հետս   հայերէն քանի մը բառ միայն մեծմայրս կը փոխանակէ, երբ Հայաստանէն  Մոսկուա կու գայ. հայերէն սորվելու համար ինծի հայկական միջավայր պէտք է:

–Ռոմա՛ն,  կը սիրե՞ս Հայաստան:

– Այո՛, կը սիրեմ Հայաստան: Ւմ երազանքս էր տեսնել Արարատի համայնապատկերը:

 Շատ կը հաւնիմ Կասկադը, սակայն լաւ կ´ըլլար, որ   ժամանակակից քանդակները ըլլային  ուրիշ վայրի մը մէջ: Կասկադի մէջ աւելի լաւ կ´ըլլար, որ տեղադրէին հայկական ոճի, հայկական արուեստին  բնորոշ քանդակներ:

–Ռոման ի՞նչ  կայ Հայաստանի մէջ, որ կ´ուզէիր  տեսնել Ռուսաստանի մէջ եւ հակառակը:

-Ես չէի ցանկար  խառնել: Թո՛ղ Հայաստանի մէջ մնայ այն, ինչ կայ Հայաստանի մէջ, հայկական է, իսկ Ռուսաստանի մէջ մնայ այն, ինչ կայ Ռուսաստանի մէջ. իմ կարծիքովս  պէտք չէ խառնել:

– Հայկական ուտելիքներէն  ո՞ր մէ՛կը  կը սիրես:

-Կը սիրեմ տոլման: Եթէ կինս ազգութեամբ  հայուհի ալ  չըլլայ, ես ի՛նքս կը պատրաստեմ: Մեր տան մէջ հայկական կերակուրներ  կը պատրաստէ տատիկս, իսկ մայրս շատ համեղ սպաս  կը պատրաստէ:

–Ռոմա՛ն,  ի՞նչ  եղած է  քու երազանքդ`  կապուած Հայաստանի հետ:

-Իմ երազանքս  եղած է տեսնել  Մուղնին, եւ  երազանքս արդէն իրականութիւն  դարձած է:

 Զրուցեց  Սիւզան  Միրզոյեան