Յուլիս 24-ին տեղի ունեցաւ ՀՀ սփիւռքի նախարարութեան հայրենաճանաչութեան «Արի տուն-2017» ծրագիրի 6-րդ փուլի բացման հանդիսաւոր արարողութիւնը:

6-րդ փուլին կը մասնակցի շուրջ 90 պատանի եւ աղջիկ` աշխարհի 10 երկրէ (Ռուսաստան, Ուքրանիա,Պելառուս, Վրաստան, Լիբանան, Յորդանան, ԱՄՆ, Ֆրանսա, Սպանիա, Շուէտ):

Մասնակիցներուն ողջոյնի խօսքով դիմեց ՀՀ սփիւռքի նախարար Հրանոյշ Յակոբեան: Ան շնորհակալութիւն յայտնեց արիտունցիներու ծնողներուն ու մանկավարժներուն` նախարարութեան վստահելու եւ իրենց երեխաները Հայրենիք ուղարկելու համար: «Շնորհակալ ենք նաեւ հիւրընկալ ընտանիքներին, որոնք իրենց հարկի տակ 10 օր շարունակ պահում եւ հոգ են տանում ձեր մասին, – նշեց Սփիւռքի նախարարը` նկատելով, – այս պահին «Արի տուն»-ը թեւակոխել է ամենաակտիւ փուլ, երբ Հայաստանում է շուրջ 300 մասնակից: Բարո՛վ էք եկել Հայրենիք»:

Նախարար Հրանոյշ Յակոբեան ընդգծեց, որ Հայաստան ողջ աշխարհասփիւռ հայութեան, ներառեալ` արիտունցիներու տունն է: «Ուրախ կը լինենք, եթէ որոշէք ձեր կրթութիւնը շարունակել Հայրենիքում, քանի որ Հայաստանի բուհերում նոյնպէս ապահովում են որակեալ կրթութիւն», – նշեց ան:

Այնուհետեւ նախարարը ամենակրտսեր մասնակիցին` Սերոբ Գէորգեանին (Ռուսաստան) հագցուց «Արի տուն» ծրագիրի տարբերանշանով վերնաշապիկը: Սերոբը նշեց, որ  սիրով  ընդունած են զինք հիւրընկալ ընտանիքէն ներս եւ ինք կը պատրաստուի անմոռանալի օրեր անցնել Հայաստանի մէջ:

Վրաստանէն Աննա Մացակեան ներկաներուն զարմացուց իր պարային կատարմամբ: Հայ ազգագրական երգերու կատարումներով եւ ասմունքով հանդէս եկան ծրագիրի միւս մասնակիցները: