Լիբանանի մէջ Հայաստանի դեսպան Սամուէլ Մկրտչեան երէկ այցելեց Թրիփոլիի քաղաքապետ Ահմետ Ամարէտտինի, որուն հետ քննարկեց երկկողմանի յարաբերութիւնները: Այս մասին կը հաղորդէ Լիբանանի «Ազդակ» օրաթերթը։

Հանդիպումէն ետք դեսպան Մկրտչեան կոչ ուղղեց Հայաստան-Լիբանան գործակցութիւնը ամրապնդելու, յատկապէս զբօսաշրջական եւ մշակութային մարզերուն մէջ:

Դեսպան Մկրտչեան անդրադարձաւ Լիբանանի մէջ հայութեան ունեցած դրական դերակատարութեան:

Ան Ամարէտտինին յանձնեց Հայաստան այցելութեան հրաւէր մը` երկկողմանի եղբայրական յարաբերութիւնները ամրապնդելու եւ առեւտրական, մշակութային ու զբօսաշրջական մարզերուն մէջ գործակցութիւնը բարելաւելու նպատակով: