Արևելահայերեն
Русский
EnglishԿը Շարունակուին «Սփիւռք» Ամառնային Դպրոց Ծրագիրի Մասնակիցներու Շրջայցերը
«Հայերն այսօր»-ի տեղեկացմամբ, ՀՀ սփիւռքի նախարարութեան «Սփիւռք» ամառնային դպրոց ծրագիրի մասնակիցները Հայաստանի տեսարժան, պատմամշակութային վայրերուն մէջ շրջայցերու ծիրէն ներս յուլիս 8-ին այցելած են Գեղարդի վանք եւ Գառնի տաճար:
Յուլիս 8-ին անոնք յաջորդիւ այցելած են Կոմիտասի անուան պանթէոն, գլուխ խոնարհած այնտեղ հանգչող հայ մեծերու շիրիմներուն: Այնուհետեւ Կոմիտասի թանգարան-հիմնարկին մէջ հանգամանալիօրէն ծանօթացած տաղանդաշատ հայ երգահանի կեանքին եւ ստեղծագործական ժառանգութեան: Ծրագիրի մասնակիցներէն քանի մը հոգի հանդէս եկած են կոմիտասեան կատարումներով:
Աւելցնենք, որ «Սփիւռք» ամառնային դպրոց ծրագիրը կ’իրականացուի ԵՊՀ հետ համագործակցութեամբ: Այս տարի ծրագիրին կը մասնակցի աւելի քան 350 սփիւռքահայ` աշխարհի 30 երկրէ:
Դասընթացները կ’իրականացուին հինգ ուղղութիւններով.
Հայոց լեզուի արագացուած ուսուցում (յուլիս 2 – 29),
Հայոց լեզուի ուսուցիչներուեւ կրթական գործի կազմակերպիչներու վերապատրաստում (յուլիս 2 – 29),
Երիտասարդ լրագրողներուվերապատրաստում (յուլիս 2 – 15),
Ազգային երգի խմբավարներու եւ պարուսոյցներու վարպետութեան դասընթացներ (յուլիս 2 – 15),
Երիտասարդ առաջնորդներու եւ համայնքային գործի կազմակերպիչներու դասընթացք (յուլիս 2 – 15):
