29/04/2017   100 ՏԱՐԻ ԱՆՑ, Սփիւռք   No comments

Լռութեան Երթ Վարշաւայի ՄԷջ` Նուիրուած Հայոց Ցեղասպանութեան 102-րդ Տարելիցին

2017 թուականի Ապրիլ 24-ին Լեհաստանի տարբեր քաղաքներու մէջ գործող հայկական կազմակերպութիւնները` Հայ-լեհական հասարակական կոմիտէն, Հայկական հիմնադրամը, Լեհ-հայկական հիմնադրամը, Հայկական կոնգրէսը, Լոձ քաղաքի հայկական ընկերակցութիւնը, Էլպլոնկ քաղաքի հայկական ընկերակցութիւնը, «Մուսա Լեռ» հայկական մշակութային կեդրոնը,Փլոցկ քաղաքի հայկական համայնքը, Շլոնսկ քաղաքի հայկական միութիւնը, Վարշաւայի մէջ կազմակերպեցին ամէնամեայ Լռութեան երթ` նուիրուած Հայոց ցեղասպանութեան 102-րդ տարելիցին:

«Հայերն այսօր»-ի փոխանցմամբ` երթի բազմաթիւ մասնակիցներ հայկական դրօշներով, ցեղասպանութեան ենթարկուածերու տանջանքները ներկայացնող ցուցանակներով, մոմերով եւ ծաղիկներով իրենց քայլերն ուղղեցին դէպի Թրքական դեսպանատուն:

Լռութեան երթի իր բացման խօսքը յղեց Հայ-լեհական հասարակական կոմիտէի նախագահ Հրաչեայ Պոյաճեան: Ելոյթ ունեցան նաեւ Հայկական հիմնադրամի ներկայացուցիչ Մացիէյ Պոհոսեւիչը, Փլոցկ քաղաքի հայկական համայնքի ներկայացուցիչ Հրաչ Ղադիմեան եւ այլ ներկաներ:

Մասնակիցները եւ ելոյթ ունեցողները կը դատապարտէին ցեղասպանութեան ոճրագործներն ու կը պահանջէին ցեղասպանութեան ընդունումը:

Լեհական Առաջին ալիքը, Փոլոնիա, Քիելցէ քաղաքի հեռուստաընկերութիւնները անդրադարձած եւ մեկնաբանած են Վարշաւայի մէջ կայացած Լռութեան երթի մանրամասնութիւնները:

Աւելցնենք, որ 2005 թուականին Լեհաստան ճանչցած եւ դատապարտած է Հայոց ցեղասպանութիւնը: Լեհաստանի մէջ կը բնակի մօտ 40 հազարէ աւելի հայ:

%d5%ac%d5%a5%d5%b0%d5%a1%d5%bd%d5%bf%d5%a1%d5%b6%d5%ac%d5%a5%d5%b0%d5%a1%d5%bd%d5%bf%d5%a1%d5%b6%d5%ac%d5%a5%d5%b0%d5%a1%d5%bd%d5%bf%d5%a1%d5%b61%d5%ac%d5%a5%d5%b0%d5%a1%d5%bd%d5%bf%d5%a1%d5%b62%d5%ac%d5%a5%d5%b0%d5%a1%d5%bd%d5%bf%d5%a1%d5%b63 %d5%ac%d5%a5%d5%b0%d5%a1%d5%bd%d5%bf%d5%a1%d5%b64 %d5%ac%d5%a5%d5%b0%d5%a1%d5%bd%d5%bf%d5%a1%d5%b65

  1. (Արևելահայերեն) Ֆրանսիայի հայ համայնքն Al Jazeera-ին է ներկայացրել Ցեղասպանության հարյուրամյակին ընդառաջ քայլերը
  2. (Արևելահայերեն) Բողոքի ցույց` Թեհրանում ՄԱԿ-ի գրասենյակի առջև (լուսանկարներ)
  3. Իտալական Պարմա քաղաքի մէջ Հայոց ցեղասպանութեան մասին ցուցահանդէս բացուած է
  4. Հայոց Ցեղասպանութեան նուիրուած յոյն դիւանագէտներու կլոր սեղանի զրոյցը
Scroll Up