17/03/2017   Սփիւռք   No comments

Կանանց Մէկամսեակը Միսլատայի Մէջ Մեկնարկեց Աննախադէպ Համերգով

«Արարատ» հայկական միութեան հերթական նախաձեռնութիւնը կը վերաբերէր Կանանց միջազգային օրուան` Մարտ 8-ին, որուն առիթով Միսլատայի երաժշտական կեդրոնի դահլիճին մէջ ներկայացուեցաւ աննխադէպ համերգային ծրագիր:

Ինչպէս «Հայերն այսօր»-ին կը յայտնեն«Արարատ» հայկական միութենէն աշխարհահռչակ երաժշտահաններ եւ երգահաններ Կոմիտասի, Խաչատրեանի, Բաբաջանեանի, Ռեւուտսկի, Տեպիւսիի եւ այլոց հանրայայտ գլուխգործոցները աւելի քան 200 հոգինոց դահլիճին հրամցուցին վալենսաբնակ հայ եւ ուքրանացի տաղանդաւոր երաժիշտները` պարիտոն Էտկար Աբրամեանը, սոփրանօ Աննա Ասոյեանը, ջութակահարուհի Տաթեւիկ Խաչատրեանը, դաշնակահարներ Միկոլա Տորոշն ու Ալինա Սախնենկոն, ինչպէս նաեւ հրաւիրուածներ Ալեքսէյ եւ Սուետլանա Քրիսանովները:

Համերգին իրենց համագործակցութիւնը ցուցաբերեցին Միսլատայի մշակութային շարժում (MAM) միութեան անդամները, որոնք ասմունքեցին իրենց իսկ ստեղծագործութիւնները: Ողջ համերգը նուիրուած էր կնոջ, գարնան, սիրոյն եւ կեանքի զարթօնքին:

Հայազգի տաղանդաւոր երգիչներ Աննա Ասոյեանն ու Էտկար Աբրամեանը կը յաճախեն Վալենսիոյ երաժշտանոցը: Բացի վոկալէն, Աննա Ասոյեան նաեւ դաշնակահար է, եւ համերգին հանդիսատեսին ներկայացուց Արամ Խաչատրեանի «Անդանտինօ» ստեղծագործութիւնը:

Ներկաները մեծագոյն հաճոյքով կը լսէին Էտկար Աբրամեանի բարձրակարգ կատարումները, որոնք կ’ուղեկցուէին ոգեւորիչ ծափողջոյններով:

Իսկ ահա Վալենսիոյ Արուեստի պալատի ջութակահարոհի Տաթեւիկ Խաչատրեանի ներկայացուցած մեղմահունչ մեղեդիները յուզմունք եւ կարօտ փոխանցեցին բոլորին: Եւ այս ամէնը ուքրանացի տաղանդաւոր դաշնակահարներ Միքոլա Տորոշի եւ Ալինա Սախնենկոյի հիանալի կատարումներու ուղեկցութեամբ: Անոնք իրենց աննկարագրելի, բարձրակարգ ելոյթներով պարզապէս գերեցին հանդիսատեսը:

Ընթացիկ տարուան արդէն երկրորդ նմանատիպ համերգը կարծես թէ աստիճանաբար կը վերածուէր լաւագոյն աւանդոյթի հայաշատ Միսլատայի եւ Վալենսիոյ մէջ, խոստանալով վառ ապագայ եւ աշխարհագրութեան ընդլայնում:

%d5%b0%d5%a1%d5%b4%d5%a5%d6%80%d5%a310%d5%b0%d5%a1%d5%b4%d5%a5%d6%80%d5%a32%d5%b0%d5%a1%d5%b4%d5%a5%d6%80%d5%a3%d5%b0%d5%a1%d5%b4%d5%a5%d6%80%d5%a31 %d5%b0%d5%a1%d5%b4%d5%a5%d6%80%d5%a34%d5%b0%d5%a1%d5%b4%d5%a5%d6%80%d5%a39 %d5%b0%d5%a1%d5%b4%d5%a5%d6%80%d5%a38%d5%b0%d5%a1%d5%b4%d5%a5%d6%80%d5%a37 %d5%b0%d5%a1%d5%b4%d5%a5%d6%80%d5%a36 %d5%b0%d5%a1%d5%b4%d5%a5%d6%80%d5%a35

No related posts.

Scroll Up