Երկուշաբթի, Մարտ 13-ին, Լ.Ղ.Հ. Արտաքին Գործոց Նախարար՝ Կարէն Միրզոյեանը այցելեց Հ. Բ. Ը. Միութեան Աթէնքի Յանձնաժողովի կեդրոնի գրասենեակը եւ «Ա. Գալփաքեան» վարժարանը, ուր խանդավառ մթնոլորտի մը մէջ առիթը ունեցաւ ծանօթանալու Հ.Բ.Ը.Մ.-ի պաշտօնէութեան, ուսուցչական կազմին եւ աշակերտութեան:

Ինչպէս «Հայերն այսօր»-ին կը յայտնեն Հ. Բ. Ը. Միութեան Յունաստանի Կեդր. Յանձնաժողովէն, Հ.Բ.Ը.Մ-ի Յունաստանի Կեդրոնական Յանձնաժողովի Ատենապետ՝ Դոկտ. Համբիկ-Սահակ Մարուքեան եւ Գանձապահ՝ Պրն. Սեդրակ Ապասեան հանդիպումի ընթացքին հետաքրքիր եւ կառուցողական զրոյց մը տեղի ունեցաւ, ինչպէս նաեւ գաղափարներու փոխանակում Հայաստանի եւ Արցախի վերաբերող տարբեր հարցերու շուրջ:

Հանդիպումը աւարտեցաւ փոխադարձ յաջողութեան մաղթանքներով եւ ապագայ շինիչ համագործակցութեան ցանկութեամբ: